கவிஞன் அறிவுரை: ஆட்சியாளர் மதிப்பரோ?

கவிஞர், புலவர்,பாரதிகள் என்போரெல்லாம் உணர்ச்சி வயப்படுபவர்கள். உணர்ச்சி கலந்துவிட்டால் உள்ள விடயம் சிதைந்துவிடும்.  சிதைந்துவிட்ட, உருமாறிவிட்ட, பாலில் நெய் போல மறைந்துவிட்ட வரிகளிலிருந்து நடந்தவைகளை வெளிக்கொணர்ந்து உண்மை உருவைக் கொடுத்து மக்களிடம் தருவதென்பது,ஒருவகையில்  முயற்கொம்புதான் அன்றோ?
கவிதைக்குப் பொய்யழகு எனப்படுவதால், அந்தப் பொய்யைக் கலந்தபின் மெய்யைக் கண்டெடுப்பது எப்படி?

இதனால்தான் கவியரசர் கண்ணதாசனை,  நபிகள் நாயகம் வரலாற்றைக் காவியமாக்க வேண்டாம் என்று இஸ்லாமிய நண்பர்கள் கூறினர் போலும் --என்பது அனைவரும் அறிந்திருக்கக் கூடும்.

அப்படியானால்  கவிஞனொருவன்  அரசுக்கோ  ஆட்சியாளனுக்கோ வழங்கும் ஆலோசனைக்கும் அதே மதிப்பெண்தான்  கிட்டுமோ?

கிறித்துவுக்கு ஏறத்தாழ 300 ஆண்டுகட்கு முன் ஒரு சீனக்கவிஞன் இருந்தான், கவிஞன் மட்டுமோ?   அவனோர்  அரசியலறிஞனும் கூட.
இவன் பெயர் ச்யு யுவான்.  சூ என்னும் நாட்டின் மந்திரியாக அரசன் ஹுவாயின் பணியிலிருந்தான். அடுத்த நாடான சின்  தம் நாட்டின் மீது படையெடுத்து வருவது உறுதி என்று அறிந்துகொண்ட ச்யு யுவான், அரசனுக்கு ஓர் ஆலோசனை வழங்கினான்,  பக்கத்திலிருந்த ஐந்து நாடுகளுடன் ஒப்பந்தம் செய்துகொண்டு நட்பு நாடாகிவிட்டால் இந்த மிரட்டலைச் சமாளிக்கலாம் என்று உரைத்தான்.
அரசன்பால் மாறாத மன ஒருமைப்பாடும் நாட்டுப் பற்றும் இவன் கொண்டிருந்தான் என்றாலும்,  அவனறிவும் நேர்மையான போக்கும் வேறு மந்திரிகளுக்குப் பிடிக்கவில்லை.  வேண்டுமென்றே பல பழிகளை யவன்மேல்சுமத்தி, அவன் நேர்மைக்குக் களங்கம்  கற்பித்தனர். புகழைக் கெடுத்தனர். அந்த எதிரிகள் கொடுத்த அழுத்தத்தினால், அரசனும் தடுமாறி, ச்யு யுவானை ஹூனான் மாநிலத்துக்கு  நாடுகடத்தினான்.  பதவி இழந்த நிலையில் அவன் ஹூனானில் வாடினான். கொஞ்ச காலத்தில் அவன் கூறிய படையெடுப்பு உண்மையிலேயே நடைபெற்று,  மாற்றார்  நாட்டைப் பறித்துக்கொண்டனர்.  இதைக்  கேள்வியுற்ற ச்யூயுவான், தன் தாய் நாட்டின் வீழ்ச்சிக்கு மிகவும் இரங்கிச் சொல்லொணாத் துயரால் டோங்டிங் என்னும்  ஏரியில்வீழ்ந்து உயிர் நீத்தான்.இந்த அரசுக் கவிஞனின் நினைவாகச் சீனர்கள் இன்றுவரை கடல் நாக விழாவைக் கொண்டாடி வருகின்றனர்.

அரசியல் வீழ்ச்சி அடைந்தான் ச்யு யுவான் , என்றாலும்  அவன் நாட்டு மக்கள் அவனை மறந்தார்களில்லை. வெகு உயர்வாய் அவனையும் அவன் வாழ்க்கையையும் அவன் கவிதைகளையும் கொண்டாடினர். மிக்க நேரிய உயர் எண்ணங்களை வெளிப்படுத்தியவன் அவன். "சந்தித்த துயரங்கள்"  என்ற 373 பாடல்கள் கொண்ட காவியம் உயர்த்திக் கொண்டாடப் பட்டதாகும்.  கான்பூஷியஸின் கவிதைகட்கு அடுத்தபடியாக  அவன் கவிதைகள் வைத்து மதிக்கப்பெறுகின்றன . பண்டைச் சீனப் பேரரசின் எழுச்சித் தோற்றத்திற்கு முன் இருந்த காலத்தில், மேல் எல்லையைத் தொட்ட‌ சீனப் பண்பாட்டினைப் படம்பிடித்துக் காட்டும் இலக்கியங்களில் இவன் கவிதைகளும் ஒன்றாம். இன்னும் "ஒன்பது பாட்டுகள்"   " மேலுலகுக்கு விடுக்கும் கேள்விகள் " என்பனவும் இவனுடையவை ‍  யாங்ஸி ஆற்றங்கரை நாகரிகத்தின் பண்பாட்டுக் கூறுகளை ஆய்வு செய்வோர்க்கு இனிய உதவி நூல்கள் இவை  ஆகும். இங்குத்தான்  அவன்றன்  சூ நாடுமிருந்து  பகைவரிடத்து வீழ்ந்து மறைந்தது.  பின் போரிடு மாநிலங்களும்  (the Warring States ) ஒழிந்து  சீனப் பேரரசு உதயமாயிற்று.

பல் வடிவச் சொல்.

பல் வடிவச் சொல்.

இங்கு எல் என்ற சொல்லை எடுத்துக்காட்ட விழைகிறோம். இதற்குப் பல பொருள் உண்டெனினும், எலும்பு என்ற பொருளும் உளது. இன்னொரு திராவிட மொழியான மலையாளத்தில், இது எல் என்றே
இன்னும் வழங்கிவருகிறது. வழக்கில் உகரச் சாரியை பெறும்:

எல் > எல்லு.  ( உகரச் சாரியை).

சொல்லைப் பிறமொழிகளிற்போல் வெட்டி நிறுத்துவது திராவிடர்களுக்கு நாவருவதில்லை. ஆகவே எல் என்று நிறுத்தாமல்
எல்லு, எல்லூ என்றே இழுப்பர். சொல் சிறிதாயிருப்பின் நீட்டிக்கொள்வதில் இவர்களுக்கு மகிழ்ச்சி.  உபகாரமு  அப்பமு  -   தெலுங்கு.

தன் = (பொறு) சீனமொழி.
தங் > தங்கு  (தமிழ் ).  தங் என்று நிறுத்தார். தங்கு என்று நீட்டுவர்.

ஆகவே எல் என்ற சொல் நீண்டுவிட்டது.

எல் > எல்+ உம் + பு =  எலும்பு. உம் வந்து சொல் நீட்சி பெற்றது.

எல் + பு =  என்பு.   ல் > ன்  என்று திரிந்தது.

கோவிந்த்  என்னார்;  கோவிந்து அல்லது கோவிந்தன் என்பர்.

சொல் நீட்சியினால் வடிவங்கள் பலவாயின,

ஒரு வாட்டி, இரண்டு வாட்டி...

ஒரு  வாட்டி, இரண்டு வாட்டி...
ஒரு தரம், இரண்டு தரம்,
ஒரு முறை, இரண்டு முறை,
ஒரு தடவை, இரண்டு தடவை, மூணு தடவை....


இதெல்லாமும் தெரியவில்லை என்றால். ஒரு டைம், இரண்டு டைம்
என்பீர்!

மருந்தாக அல்லது உணவாக இருந்தால், ஒரு வேளை, இரண்டு வேளை.

வேளை என்பது டைம்! டைம்ஸ்.

இதெல்லாமும் பிடிக்கவில்லையோ!

இருக்கவே இருக்கிறது....

ஒரு விடுத்தம், இரண்டு விடுத்தம்......

ஏன் கடன்வாங்கவேண்டும்>

நிறைய சொற்கள் உள்ளன. உங்களை எதிர்பார்த்துத்தான்.

ஆரூடம்.

இது தேர்தல் பருவகாலம்  (சீசன்)  ஆதலால் தேர்தல் ஆரூடங்கள் பல அவ்வப்போது வெளிவந்துகொண்டிருக்கின்றன. அவற்றை அறிந்துகொள்ள மக்கள் முந்தவே தாளிகைகளும் போட்டிபோட்டுக்கொண்டு ஆருடங்களை அச்சேற்றியவண்ணமிருக்கின்றன.

அதனால் ஆரூடம் என்ற சொல்லை ஆராய்தல் நன்று.

ஆர்தல் -  நிறைதல்.

வளமார் தமிழ் -   வளம் ஆர் தமிழ் -    வளம் நிறைந்த  தமிழ்.
எழிலார் நங்கை =   எழில் நிறைந்த நங்கை.

ஊடம் என்ற சொல்தான் உங்களுக்குத் தெரிந்திருக்கவேண்டுமே.

ஊடு =   ஒன்றில் உட்புகுந்து செல்லுதல்.
ஊடு+ உருவுதல்:  =  ஒன்றில் உட்புகுந்து  மறுபக்கம் தோன்றுதல். வெளிப்படுதல்.  ஊடுருவுதல்.
ஊடகம் என்ற சொல் :  ஊடு+அகம். பல விடயங்களிலும் புகுந்து செய்தி சேகரிப்பவர்கள்.

ஊடு+ அம் =  ஊடம் (எதிர்கால விடயங்களில் புகுதல்.)

இதிற் புகாவிடில் நிறைவு இல்லை.  புகுந்து ஆய்ந்து சொன்னாலே நிறைவு. இதுதான் ஆர் என்ற சொல் நமக்குத் தெரிவிக்கிறது.

ஆர் + ஊடம் = ஆரூடம்.

இதைச்  சில ஆண்டிகளில் முன்  வெளியிட்டிருந்தேன். வெளியிட்ட வலைத்தளம் இப்போது மூடப்பட்டுவிட்டது

இ தன் படியைத் தேடிக்கொண்டிராமல், இதைப் படித்து
இன்புறவும்.  

குற்றவாளியும் சட்டமும்

இல்லா தனசொலும் குற்ற வாளியை
நல்லா ரைப்போல் நடத்தலும்  அருஞ்செயல்
சொல்லான் இவனெனச்  சூழநின்  றதட்டினும்
கொல்லாப் புடைக்கா மெல்வழி மேற்கொளல்.

கடமை செய்தலில் காணும்   கோடிது
கடிதே  ஓச்சுதல்  எறிக மெல்லவே
கடுமை  வேண்டினும் கொள்ளல்  சொல்லிலே
உடமை உயிர்கொளல் சட்டத் துரிமையே.

புறநா: காற்றால் எழும் பறையோசை .........போர்! போர்

இலக்கிய இன்பம் வயப்பட விழையும் எவரும் புறநானூற்றினை நெடு நாட்களுக்கு மறந்துவிட்டு நாட்கடத்திவிடுதல் இயலாதது. நம் ஒளவைப் பாட்டியையும் எண்ணிப்பார்க்காமல் இருந்துவிடல் முடியாதது.  அவர்தம்  பாடலொன்றை இப்போது நுகர்வோம்.

இழையணிப் பொலிந்த ஏந்துகோட்டு அல்குல்
பொருநரும் உளரோ  நும் அகன்றலை நாட்டு என
வினவல் ஆனாப் பொருபடை வேந்தே
எறிகோல் அஞ்சா அரவின் அன்ன
சிறுவன் மள்ளரும் உளரே அதாஅன்று
பொதுவில் தூங்கும் விசியுறு தண்ணுமை
வளிபொருது  எண்கண் கேட்பின்
அதுபோர் என்னும் என்ஐயும் உளனே    89

 உரை :

இழையணிப் பொலிந்த ஏந்துகோட்டு அல்குல்   -  அழகிய மணிகள் பொருந்திய பெற்றுக்கொள்ளும் பெற்றியை  உடைய வளைந்த  இடை  அமைந்த;

மடவரல்  உண்கண்  -  மடம்பொருந்திய அழகிய கண்களும்

வாள் நுதல் -   வாளைப்போன்ற நெற்றியுமுடைய;

விறலி -    கலைபயிலும் நங்கையே!  ( பெரும்பாலும் பதினாறு வயதினள் ;   தொண்சுவையும் காண்போர் நுகர நடனம் ஆடுபவள் ....)

பொருநரும் உளரோ  நும் அகன்றலை நாட்டு என  - போர் செய்வோரும்  இருக்கின்றனரோ உன் பரந்த நாட்டில் என்று;

வினவல் ஆனாப் பொருபடை வேந்தே -  கேட்டு அமையாத போர்ப்படைகளையுடைய  அரசே!

எறிகோல் அஞ்சா அரவின் அன்ன -  குச்சியால் அடிக்கும்போது அஞ்சாமல் சீறும் பாம்பினைப் போல;

சிறுவன் மள்ளரும் உளரே அதா அன்று -  சிறிய வன்மைவாய்ந்த  போர்வீரர்களும் உள்ளனரே; அதுமட்டுமில்லை;  ( சிறு  -  வன்மள்ளர் )

பொதுவில் தூங்கும் விசியுறு தண்ணுமை  - கூடத்தில் கிடத்தித்  தோல் வாரால் கட்டி வைக்கப்பட்டுள் ள போர்ப் பறைகளில்

வளிபொருது  எண்கண் கேட்பின்  -  கொஞ்சம் காற்று வந்து மோதிப் பறையோசை கேட்டால்

அதுபோர் என்னும் என் ஐயும் உளனே -  அதைக் கேட்டுப் போர் வந்துவிட்டது என்று  கிளம்பும்  என் தலைவனும் இருக்கின்றானே.

எண்கண் = எண்மைக்கண் = எளிமையானவிடத்து = கொஞ்சம்.

ஐ = தலைவன்; மன்னன்.

காற்றால் எழும் பறையோசை .........போர்! போர் என  எழுதல்.  என்னே   தமிழர்  தயார்  நிலை .............

படித்துச் சுவைத்தபடி இருங்கள் . பின்  இது  பற்றிப்  பேசுவோம் 

சகம் > சகா.

சக்களத்தி என்ற சொல்லின் அமைப்பினைக் காண்போம்.

ஒரே அகத்தில் (வீட்டில் அல்லது இடத்தில்) ஒன்றாக இருத்தலே சகம் என்பதாகும்.

உலகம் என்ற பொருளில் வரும்  ஜெகம் என்பதும் சகம் எனவரும். அந்தச் சகம் வேறு. அதை முன் யாம்  விளக்கியதுண்டு. அது முன் வந்த இடுகைகளில் இங்குப் பதிவுபெற்றுள்ளது.

இப்போது யாம் கூறவந்த "சகம்".

சகம்+ களத்தி = சகக்களத்தி.   மகர ஒற்றுக் கெட்டது.

இனிச் சகம் என்பதை மட்டும் காண்போம்.

சரி+ அகம் = சகம்.  இதில் உள்ள "ரி" எழுத்தையும்  "அ" எழுத்தையும் விலக்க, சகம் வரும்.

சரியகம் >  ச (ரிய) கம் =  சகம்.

இது ஒரு புனைவுச் சொல்லே.

இதை அமைத்த புலவர்கள் நல்ல படைப்பாளிகள்.

தமிழில் இடைக்குறை, தொகுத்தல் (சில எழுத்துக்களை விலக்குதல்) முதலிய உண்டு. பெரும்பாலும் கவிதைக்கு இவை
பயன்பட்டன.  என்னில் > எனில்  இல்லது > இலது, இப்படிப் பல.

இதைச் சொல்லமைப்புக்குக் கையாண்டது  மிக்க நல்ல உத்தி.


உயிரில் தொடங்கிய பல சொற்கள் உயிர்மெய்யாகத் திரிந்துவிட்டன என்று முன்பு யாம் மொழிந்த வழிச்சென்று, இதையும் உட்படுத்தி உரைப்பினும் ஏற்கத்தக்கதே.  அகரம் சகரமானதற்கு இங்கு ஒரு
காரணம் உண்டேயன்றித் திரிபு பொறுத்தவரை மாற்றம் இலது.

சொற்களின் நீட்டம் குறைத்தலில் குற்றம் ஒன்றும் இலது.

சகம் > சகா.

நன்றாகத்தான் இருக்கிறது.  இதைத் தமிழெனினும்  அன்றெனினும்  அதனால் விளைவு யாதுமிலது.

வெள்ளை அழகே ..... meaning

கறுப்பரொடு  ....  என்னும் இடுகை 

http://sivamaalaa.blogspot.sg/2016/04/blog-post_24.html

தொடர்ந்து:

வெள்ளை  அழகே கருப்போ அழகின்மை

எள்ளி  இதுசொல்வார் சொல்லுக்கு ‍‍‍----\\உள்ளுவது

யாதென்பீர் ;  யாதானும் சாதி  கறுப்பரொடு\

தோதில்லை என்பாரின் மாட்டு

பொருள்: 

வெள்ளை  அழகே  : உடல் வெள்ளையாக இருந்தால் அவள்தான்

அழகி;

கருப்போ அழகின்மை  ‍‍:  கறுப்பு நிறமானால் உடல் அழகு இல்லை.

எள்ளி : பரிகாசம் செய்து;

இதுசொல்வார்  ‍‍‍ :  இப்படிச் சொல்லுகிறவரின்;

சொல்லுக்கு உள்ளுவது :  வாய்ப்பேச்சுக்கு நீங்கள் நினைக்கும் பதில்;

யாதென்பீர்  : என்னவாய் இருக்கும் சொல்லுவீர்  

யாதானும் சாதி :  நீங்கள் சொல்லும் உங்கள் சாதி எதுவாயினும்;

கறுப்பரொடு :  கறுப்பாய் உள்ள  உங்களுடன்

தோதில்லை என்பாரின் மாட்டு :  தமக்கு எந்தத் தொடர்பும் வேண்டாம் என்பவரின் இடத்து.

மாடு : மாட்டு ,  இடம்  இடத்தில் என்ற பொருள்.  கால் மாடு

தலை மாடு என்ற வழக்கை நோக்குக.

சொல்லுக்கு  உள்ளுவது:  இதன் பொருள் ,  அவர் சொல்லுக்கு நினைப்பதன்றிச்  செயல்   ( நாமும் ஏதும் செய்தல்  )  மேலும் கசப்பு  விளைக்கும் ஆதலால்,   சொல்லுக்கு என்பது அழுத்திக் கூறப்பட்டது  என்பது அறிக. சொல்லுக்கு நாம் அறிவார்ந்த முறையில்
செயல்படுவது  "எண்ணுதல்"  ஆதலால் " உள்ளுதல் " என்ற சொல் பயன்படுத்தப் பட்டது.

தோது  connection, affinity, dealings etc. 

இதுவே பாடலின் பொருள்.

வேறொரு இனத்தவர் உங்களுடன் கொள்ளும் தொடர்பு   மணம் பற்றியதாகவோ  வணிகம்  அல்லது  வேறு எது  பற்றியதாகவுமோ   இருக்கலாம். உறவே வேண்டாம் என்பவரை நாம் வற்புறுத்த முடியாது.

ஊருக்குள் ஒரே சாதிக்குள் கூட இவளைப் பிடிக்கவில்லை  அவள்தான் வேண்டும் என்று போராடுகிறவர்களும்  இருக்கிறார்களே ! ஒரு காரணம் இல்லாவிட்டாலும் இன்னொரு காரணத்தைக் கண்டுபிடித்துச் சொல்வது  எளிதாயிற்றே. பல் சரியில்லை என்று சொல்லி விட்டால் என்ன செய்வது ?  அதனால் எந்த விடயமானாலும் உங்களுடன் ஒத்துப் போகிறவர்  வரும்வரை பொறுமையுடன் இருக்கவும். பெண் வேண்டுமென்று  உங்களை விரும்பினாலும் பெற்றோர்  வேண்டாம் என்றால் விட்டுவிடுவதே அறிவுடைமை.

நம் பண்பாட்டில் /  கலாச்சாரத்தில்  திருமணம் என்பது  தனி இருவரின் 

முடிவன்று.  திருமணத்தின்பின் பல உறவுகள் கிளைத்தெழுகின்றன.  மாமனார், மாமியார் ,  அவர்கள் உறவினர்கள், கூட்டத்தார் என்பனபோன்றவை  அவை. இவற்றையெல்லாம் எளிதில் கையாண்டுவிட  முடியுமோ? வரதட்சினை1  (வரனுக்குத் தக்க இணையான  பொருள் )  வேறு இருக்கவே இருக்கிறது. 

------------------------------------------------------------------------

1  தக்க இணை > தக்கிணை  >  தச்சினை > தட்சிணை.

The typing presentation  (lines ) here could not  be justified.  We do not know how ir appears on your screen. You may report.  Presentation errors seem inherent. 

காதற்பரத்தைக்கு அறிவுறுத்துதல் - குறுந்தொகை

இப்போது குறுந்தொகையிலிருந்து  மாங்குடி மருதனாரின் ஓர் இனிய பாடல்.இவர்  ஒரு நல்லிசைப் புலவர்.  பாண்டியன் நெடுஞ்செழியனின் அவையில்   தலைமைப் புலவர். "மாங்குடி மருதன் தலைவனாக  உலகமொடு நிலைஇய  பலர்புகழ் சிறப்பின் " என்ற வரிகள் வரும்   நெடுஞ்செழியனின் புறநானூற்றுப் பாடலால் இதனை அறியலாம்.

பாடல் இது:

கணைக்கோட்டு வாளைக் கமஞ்சூல்  மடநாகு
துணர்த்தேக் கொக்கின்  தீம்பழங் கதூஉம்
தொன்றுமுதிர் வேளிர் குன்றூர்க் குணாது
தண்பெரும் பவ்வ மணங்குக தோழி
மனையோள்  மடமையிற் புலக்கும்
அனையேம்  மகிழ்நற்கு யாம்ஆயினம் எனினே

.
164. ( குறுந்தொகைப் பாடல்.)



என்பது காதற்பரத்தை தலைமகளின் தோழி வந்து கேட்க அவளுக்குச் சொல்லியது.
கணைக்கோட்டு = திரட்சியான நெடுமூக்கினை உடைய.
வாளை - வாளை மீனின்
கமஞ்சூல் - அடர்ந்த கருவினைக் ;கொண்ட;
மடநாகு - மடம் பயிலும் இளம் பெண்மீன்;
துணர்த்தேக் கொக்கின்  - இலை முதலியவற்றுடன் கூடிய கொத்தான
மாவின்;
தீம்பழங் கதூஉம் ;- இனிய (மாம் )   பழத்தைக் கௌவித் தின்னும்.
தொன்றுமுதிர் வேளிர் குன்றூர்க் குணாது --- பழங் கால வேளிரின் குன்றூரின் கிழக்கே;

தண்பெரும் பவ்வம் -   தண்மையான பெருங்கடல்;

அணங்குக  தோழி -   என்னை எடுத்துக்கொள்ளட்டும் தோழி;

மனையோள்  - தலைவி ; மனைவி .

மடமையிற் புலக்கும் -  எண்ணிப்பார்க்காமல்  குறைத்துப் பேசிப்  பிணங்கும்  ;

அனைத்தேம் ஆயினேம்   -  அப்படிப்பட்டவளாய் யாம் ஆகிவிட்டோம் ;

மகிழ்நற்கு எனினே -    தலைவருக்கு என்னும்போது ..

கமம் = நிறைவு.  அடர்வு. 

மடம்  :  அச்சம் மடம். நாணம் , பயிர்ப்பு  என்ற நான்கனுள் மடம்  கவடு  சூது இலாத நேர்மை; அறியாமை..  

தேம் +  கொக்கு  =  தேக்கொக்கு   கொக்கு என்றது மாமரத்தை.

தீம் பழம் :  தீம் எனில் இனிய.

தொன்று <  தொல்.  மிகப் பழைய .  தொல்+ து =  தொன்று.   

தொன்று தொட்டு  என்பது காண்க.  முதிர் =  மூத்த.

குணக்கு =  கிழக்கு.   குண +  அது =  குணாது.     குணா அது என்று அளபும்  எடுக்கும்.

இப்பாடலில் காதற்பரத்தை சொல்வது : நான் வலியத்  தலைவனிடம் போகவில்லை;  பெண்வாளை மீன் மாம்பழம் கிடைக்கப்பெற்று உண்பதுபோல அவர் என்னிடம் வந்தார், நான் ஏற்றுக்கொண்டேன்.   அவ்வளவே.   மனையறத்தைக் கெடுக்க நான் ஒன்றும் முற்படவில்லை. மனையோள்  என்னை வையுமுன் எண்ணிப் பார்க்கவேண்டும்.  நான்  கேடு  சூழ்பவள் ஆயின், முது வேளிரின் கடல் என்னை எடுத்துக்கொள்ளும்,... என்பது.

காதற்பரத்தையும் ஒரு தன்மானி  ஆகின்றாள். பெண் வாளை மீன் மடமுடைத்தானது  போல இவளும் மடமுடையாள்.

அரசியையும் அரசிளங்குமரிகளையும் ஏனைக் குலமாதர்களையும் காத்தற்குக் காதற்பரத்தை, இற்பரத்தை போலும் வசதிகள் பண்டைத் தமிழர் குமுகத்தில் தடையின்றி விடப்பட்டன. தம்மை அடக்கிக் கொள்ள இயலாத ஆண்கள் அங்குச் சென்று உலவி வந்தனர். அரண்மனைப் பெண்களைக் கண்டு தலைகிறுக்கம் அடைந்தவனுக்கு
இத்தகைய கதவுகள் திறந்திருந்தன. இல்லையென்றால் இளைஞர் பலர்   அம்பிகாபதிகளாகி அறுபட்ட தலையினராய் மடிந்திருப்பரல்லரோ

கறுப்பரொடு தோதில்லை ?

வெள்ளை  அழகே 

கருப்போ அழகின்மை

எள்ளி  இதுசொல்வார் சொல்லுக்கு ‍‍‍----\\

உள்ளுவது

யாதென்பீர் ;  யாதானும் 

சாதி  கறுப்பரொடு\

தோதில்லை 

என்பாரின் மாட்டு

பாடலின் பொருள்:  http://sivamaalaa.blogspot.com/2016/04/meaning.html

வெள்ளைத் தோல் இல்லையென்றால் தாழ்வென்று ஒதுக்கும்  வெள்ளையரிடத்து, கருப்பில் உயர்வென்று கழறுவோர் கூறத்தக்கது யாது என்பது இங்கு எழும் கேள்வி.

இதைப் படிக்கவும் :

https://sg.style.yahoo.com/post/143299017343/a-mixed-race-woman-outs-tinder-date-who-suggested

A Mixed-Race Woman Outs Tinder Date Who Suggested She Should Bleach Her Skin

உண்டிக்கு உழல்வரோ பின் On 'el nino.

நீனோவின்  தாக்கம் நிலம்காய்ந்து நீர்வற்றி
வானோ மழைகுன்றின் வாகிழந்து  ----  காணாரும் 
கண்ட நம்  அண்டையரும்   மண்டையிடி கொண்டுதவித்
துண்டிக் குழல்வரோ  பின்.

நீனோ என்பது
El Niño is a climate cycle in the Pacific Ocean with a global impact on weather patterns. The cycle begins when warm water in the western tropical Pacific Ocean shifts eastward along the equator toward the coast of South America. Normally, this warm water pools near Indonesia and the Philippines.Aug 20, 2015 ----  விகிபிடியா 

வாகு  =  ஒழுங்கு ; இங்கு இயற்கை நடைமுறை ஒழுங்கு .
காணார் -  நாமறியாத பலர்; பொதுமக்கள்.
அண்டையர் -  நாம் அறிந்தவர்கள்.  இங்கு ஐகாரக் குறுக்கம்.
மண்டையிடி :  இங்கும்  ஐகாரக் குறுக்கம்.
மண்டையிடி என்பதை மண்டயிடி  என்றும்  அண்டயர்  என்றும் அலகிடவேண்டும்.

கண்ட நம்  அண்டையரும்   மண்டையிடி கொண்டுதவித்(து )  :  இந்த அடி
முற்றெதுகை.

Enjoy if u like it.

Perak River dry-up எல்நீனோ மாறாதோ

பேராக்கு  ஆறும்  சேறாகிக் கல்தெரிய
நீரோடும் நிலைமாறி நெஞ்சும் பதைத்ததே!

மீனோடு சந்தைபோம் மீனவ நண்பர்களும்
வானோடு இறைஞ்சிக் கூனாகி மலைந்திடுவர்.

இயங்கிப் படகுகள் இடிபட்டும் உடைபட்டும்
தயங்கிச் செல்வனவாம் தாழ்ந்திட்ட தண்ணீரே.

வெந்துயிர்கள் அழிய விடுவனோ எழில்ஞாலம்
தந்தருளிக் காக்கும் தன்னேரில் தலைவனுமே.

இந்த நிலைதொடரின் எப்படி வாழ்வரிவர்
நொந்து குடிகெடவோ  எல்நீனோ மாறாதோ

மாறியே இனிவருக மாரியும் நீருமின்னல்
தீரும் வழியே  தெளிநிலையே வந்திடுக.

தென்கிழக்கு நாடுகளில் தெண்ணீரும் முன்போல‌
உண்ணீராய் உயர் நீராய் விளங்கிடுக இனிமிகவே.


This is rewritten from a lost poem today. Editor error.
Will review/

poetry topic: DEATH OF WIFE.

வண்ணான்  ஆடை  துவைத்தல்  தப்புதல்  என்றும் சொல்லப்படும். ஆகவே வண்ணான் தப்பிப் பிழைக்கிறான் எனில் அதன் பொருள் தெளியக்கூடியதே.1

குற்றவாளி தப்பிவிட்டான்  என்று காவலர் கூறுவதுண்டு.  இதற்கு  "escaped" -- நேரான ஆங்கிலச்  சொல் .

பயனற்றுப் போவது,  பிறழ்வது,  காணாமற் போதல், விலகுவது ,   பிழை செய்வது,  தவறுவது,  விட்டுப்போவது,   இடர்  நீங்குதல் ,  இறப்பது  எனவும் பொருள் தரும் "தப்புதல் "  பலபொருள் ஒருசொல். இப்பொருள்கள் வரும் வாக்கியங்களைக்  குறிப்பில் வைத்துக்கொள்ளுங்கள்.

தப்புதல் (இறத்தல்)  என்பது,  தபுதல் என்று இடைக்குறையும்  2.  இதில் ஒரு பகர ஒற்று ஒழிந்தது.   என்னில் > எனில்;  இல்லாது > இலாது  என்றெல்லாம் வருவன போலவே.

தாரம் என்பவள் கணவனுக்குத்  துணை தருபவள்;  பிள்ளைகள் தந்து குடும்பம் போற்றுபவள்.  தாரம்  : முதனிலை  திரி  தொழிற்பெயர்.

தபுதாரம் -   தாரம்  இறத்தல்.   இது குறித்த பாடல்.

இது தொல்காப்பியத்தில்  தபுதார நிலை எனப்பட்டது.

தபுதாரம் -  வினைத்தொகை.   தாரம் த(ப் )புதல்.

இது குறித்த பாடல் ; அதில் வரும் வரணனை .


1.  தமிழ்க் களஞ்சியம்  -   அறிஞர்  க. ப. மகிழ்நன்  .  
       ( "மகிழ்நன் பேசினார்;  அவரே சங்க இலக்கியம்; சங்க இலக்கியமே அவர்"  என்று  திரு வி க  அவர்களால் புகழப்பட்டவர்.    ) 
2   மறைமலையடிகள்.

இது  பிற அறிஞரால் விளக்கப்பட்டது.  அதனால் அவர்கள் பெயர்களைக் குறிப்பிட்டுள்ளேன்.

will edit,

Ind: விருந்தா வனமும் தேர்தல் களமும்

விருந்தா வனத்துப் பச்சையும் பூக்களும் விருந்தா  வனதேன்  ஈக்கண்களில்
அருந்தா மனத்தோ டங்குமிங்  காகவே பறந்தன பறந்தன தேடலிலே

பொருந்தும் ஒருபூ பூத்தவை தம்மிலே எந்தப் பூவதோ சொந்தமுற.

இருந்தது அங்குசென் றிணைந்ததும் ஒழிந்தது வருந்துதல் தேனீ அருந்தியதே.



தேர்தல் களமென்ன விருந்தா வனமோ
வேட்பா ளர்களும் பூக்க  ளாமோ
ஊர் வாழ் மக்களும் தேனீக்கள் தாமோ  
ஆர்தேன் பெறாவிடில்   நீர்விழியோ

கடல் குடித்த மாமுனிவர்!

http://sivamaalaa.blogspot.sg/2016/04/blog-post_21.html

தொடர்வோம்:

பஃறுளி யாற்றுடன் பன்மலை அடுக்கத்துக் குமரிக் கோடு யாவும்
கடல் கொண்டது.    கடல்கோள் நிகழ்ந்ததாகவே தமிழ் நூல்களும் சங்கத நூல்களும் குறிப்பிடுகின்றன. அண்மையில் 1500 ஆண்டுகள் பழமை வாய்ந்த ஆலயமொன்று தென்கடலில் கண்டுபிடிக்கப்பட்டது. நாம் குறிப்பிடுவது, ஏறத்தாழ் 5000 ஆண்டுகட்குமுன் நடந்த கடல்கோள். பின்னும் நிலத்தை விழுங்கிய கடல்கோள்கள் நிகழ்ந்தன என்பதையே பின்னாள் கண்டுபிடிப்புகள் காட்டுகின்றன.

இரண்டாம் சங்கமும் தமிழ் நூல்களும் அழிந்தபின், தொல்காப்பியர்
தம் இலக்கண நூலை இயற்றினார். தொன்மையைக் காக்க இயற்றினதால் அது தொல்+ காப்பு+  இயம்  = தொல்காப்பியம் என்று பெயரிடப்பெற்றது.
அப்போது அகத்திய முனி எங்கிருந்தார் என்பதற்குத்   தொல்காப்பியத்தில் ஆதாரமில்லை. அதாவது ,பாயிரமோ எந்த நூற்பாவுமோ  அகத்தியரைக் குறிப்பிடவில்லை. இருந்தாலும்
அகத்தியர் தொல்காப்பியரின் ஆசிரியர் என்றும் அவர் அப்போது அங்கிருந்தார் என்றும் வைத்துக்கொள்வோம்.  தமிழ் என்ற சொல்லும் அமிழ் என்ற சொல்லினின்று அமைந்தது என்றும் வைத்துக்கொள்வோம். தொல்காப்பியம் இயற்றப்பட்டபின் வெகுகாலத்துக்குக்  குறிப்பிடத் தக்க  கடல்கோள் யாதுமில்லை.

 அப்போது மீண்டும் கடல் பொங்கும் என்று எதிர்பார்த்திருந்த தமிழ் மக்கள், அது பொங்கவில்லை என்று கண்டனர்     பொங்காதது ஏன்
என்று வியந்திருக்கலாம்.  அகத்தியர் கடலைக் குடித்துவிட்டதால்
பொங்கவில்லை என்று எண்ணி, அவருக்குக் கடல் குடித்த மாமுனி
என்று பெயரிட்டிருக்கலாம் என்று  சொன்னால்  அது நம்பிக்கையினால் சொன்னதென்று விடல் தகும். நாளடைவில் இதைச்சுற்றித் தொன்மக் கதைகள் புனைவுற்றிருக்கலாம்.

அங்ஙனமாயின் கடல்குடித்தமைக்கு ஒரு காரணம் கிட்டுகிறது.
ஆனால் முன் இடுகைக் கருத்துக்களுக்கு அது இசைவாகுமா என்பதைச் சிந்தித்துக்கொள்ளுங்கள்.

கடலுண்ட அகத்தியர்.

கடலென்பது மிக விரிந்த நீர்ப்பரப்பாதலின், அதனை அப்படியே உண்டுவிடவோ குடித்துவிடவோ முடியாது. கடல் குடித்தார் என்று தமிழிற் சொன்னால், கடல் நீரைக் குடித்தார் என்றுதான் பொருள்.அது உப்பு நீரானதால் எடுத்துக் குடிப்பதற்கு ஏற்றதன்று எனப் பெரும்பாலும் ஒதுக்கப்படுவது ஆகும். கடல் குடி நீரன்று, குடித்தார் எனப்படுவதாலே
கடலை முழுமையாகக் குடித்து மாயவித்தை காட்டியவர் என்று சிலர் சிந்தித்து, ஒரு கதையைக் கட்டிவிட்டனர். யாரிடமும் சென்று நீர் என்று இரந்து பெறாமல், கிட்டாப் போதில் கடல் நீரையே  அருந்தி வாழ்ந்தார் என்று சொல்வதே ஓரளவு   பொருத்தமானது. இப்படிப் பொருள் கொண்டால் கடல் என்பது ஆகுபெயராய்க்  கடல் நீரைக் குறிக்கும். கடல் வேறு; அங்குக் கிடைக்கும் நீர் வேறு. அதாவது கடலைக் குடிப்பது வேறு;  கடல் நீரைக் குடிப்பது வேறு.  கவிதைகளில் ஒழுங்காய்ப் படிக்காவிட்டால், பொருள் மயக்கம் உண்டாகும்..
  மேலும் இவருக்கு அகத்திய  என்ற பெயர் எப்படி ஏற்பட்டது என்று சிந்திக்கலாம். அகத்தி என்பது மருத்துவக் குணங்கள் பல‌
அடங்கிய ஒருகீரை வகை ஆகும். அகத்திக் கீரை உண்டதாலோ,
அகத்திமரத்தை விரும்பியதாலோ, அகத்தியை மருந்தாகப் பயன்படுத்தியதாலோ இப் பெயர் இவருக்கு ஏற்பட்டிருக்கலாம்,
பெரிதும் வீட்டிலேயே அல்லது குகைகளிலேயே தங்கித்  தவமேற்கொண்டதால்  இப்பெயர் ஏற்பட்டிருக்கலாம். ஆத்துக்காரன்,
(அகத்துக்காரன்),  ஆத்துக்காரி ( அகத்துக்காரி ),  ஓரகத்தி  (ஓர்
அகத்தி ) என்ற சொற்களையும் ஆய்தல் வேண்டும்.  அகத்தி என்றால் வீட்டுக்குள் இருப்போள், இருப்போன் என்று பொருள்.
இதை யாரும் ஆய்ந்ததாகத் தெரியவில்ல.

இன்னும், குடித்து என்றால் குடியை உடைத்து அதாவது குடியை உடைய என்றும் பொருள் ஆகும்.  குடி என்ற சொல் இன்று பெயர்ச்சொல்லாகவும்  வழங்குகிறது. வினையாகவும் வழங்குகிறது. " கடல் குடித்த " கடல்பக்கம் வீட்மைந்த என்பது கடல் நீரைக் குடித்துக்கொண்டு திரிந்தவர் என்பதினும் நல்ல பொருள் விளக்கமாகவே படுகிறது.
கடலை எடுத்து உண்டவர் என்று தவறாகப் பொருள் கொண்டு, சிலர்
அகத்தியர் என்று ஒருவரே இருந்ததில்லை என்று மறுக்கும் அளவிற்கு அறிஞர் சிலரை எழுதவைத்துவிட்டது இந்த அகத்தியர்
பற்றிய தவறான பொருள்கோடல்கள் என்பது தெளிவு.

கடல் குடித்த அகத்திய மா முனி ‍  :  கடல்பக்கமாக குடியுடையவராய்  அகத்துள் தவமியற்றியவர் என்பது நன்றாகும்.  கடல் -  கடல்பக்கம்  ; குடித்த - குடியுடை கூட்டத்தின் .   ;  அகத்தியர்   -  வீட்டினர்.   அகத்தியருக்குத் தமிழ் போதிக்கப்பட்டதாகக் கதை இருப்பதால்,  அவர் மனிதரே . ஆகையால் அவர் கடலைக் குடிக்க முடியாது.

இது பற்றிப் பின் சிந்திப்போம்.

will edit.

தமிழ்ப் பத்திரிகைகளை....

தமிழ்ப் பத்திரிகைகளை வாங்கிப் படிக்க!



நல்லது   தாளிகை
நாளும் பலசெய்தி
சொல்ல  அதுஒன்றே
சோர்வின்றி   வெல்லுதமிழ்  
வேண்டும் எனவே
விரைந்ததனை வாங்குவது
யாண்டும் தமிழர் கடன்.

 குறைகள் இருக்கலாம்
கூறுபாடில் மக்கள்
நிறைகள் இனிப்பெறுவர்
நீங்காத பற்றினால்;
வாங்கி வா  சிக்க;
 வரு நிதி  தானுயரத்
தூங்கினதும் தூக்கப்படும்.

கடையிலே  போட்டவெல்லாம்
கட்டாக மீண்டால்
இடையிலே வாராதோ
இன்னல்   நடையிலே
நல்ல தமிழ்பரப்பும்
நாளே  டதுதொடர 
வல்ல வாழ்வளீய தற்கு.





 .

சடக்கு

சடக்கு =  சாலை .


சடக்கு  -  தமிழ் அகரவரிசைகளில் இருக்கிறது  ஆனால் அதற்குச் சாலை என்ற பொருள் மலேசியாவில் வழங்குவதுபோல் இல்லை  எனினும் அதில் இல்லாதனவெல்லாம் வழக்கில் இல்லை என்று கூறிவிடுதற்கில்லை. பேரகராதியில் விடுபட்டுப்போன விடயங்கள் பலவுண்டு, அதன் பின் இணைப்பு ஒன்று வெளிவந்தது என்றாலும் அதிலும் காணப்படாத சொற்களும் உள.

சடக்கு என்பது  விரைவு என்றும் பொருள்படும்,   ஊர்திகள் விரைவுப்பாதை சடக்கு ஆகையால் அதை ஓர் ஆகுபெயராய்க் கொண்டு விரைவு என்பது விரைந்து செல்லும் பாதைக்கு ஆகிவந்தது என்று இலக்கண அமைதி காணலாம். அல்லது விடுபட்டுவிட்டது என்றே முடித்து அடுத்த பதிப்பில் திருத்தத்தைச் செய்தலும் ஒரு வழியாகும்

கடிகாரம் ‍ கடித்துக்கொள்ளும் காரப்பொருளா?

கடிகாரமென்பது நல்ல பெயர்.  கொஞ்சம் காரமான சிற்றுண்டி கிடைத்து அதைக் கடித்துக்கொண்டு கொழுந்துநீர் tea அருந்துகிற போது, இது கடிகாரம் என்று உங்கள் நண்பரிடம் சொல்லுங்கள். அதற்கு விளக்கமும் நீங்களே சொல்லுங்கள்.  இலக்கணப்படி பார்த்தால், கடி+ காரம் = கடிகாரம் ஆகிறது. வினைத்தொகை என்னும் வகையைச் சேர்ந்த சொல். கடிகாரம் என்பதில் வல்லெழுத்து  மிகாது. (x கடிக்காரம் x )

ஆனால் நாம் இதை மணிப்பொறி, மணிகாட்டி என்ற பொருளிலேயே வழங்குகிறோம். மொழிபெயர்ப்பு ஏடுகளில் மணிப்பொறி என்றாலும் இது இன்னும் பேச்சுவழக்கில் ஆட்சிபெற முயன்று முடித்த  சொல்லன்று.


இது யாழ்ப்பாணத் தமிழில் "கெடாரம்" என்று வழங்குகிறது. தமிழாசிரியர்கள் இதனைக் கடிகாரம்  என்ற சொல்லின் திரிபு என்று கருதுகிறார்கள். ஆரம் என்பது வளையம்போன்ற பொருளைக் குறிப்பதாலும்,  முன்காலத்து மணிப்பொறிகள் பெரும்பாலும் வட்டமான முகப்பு உடையனவாய் இருந்ததாலும், மணிக்கெடுவைத் தரும் இந்தக் கருவி கெடு+ ஆரம் = கெடாரம் என்று சொல்லப்பட்டது பொருத்தமாகத் தெரிகிறது.  கெடு என்பது காலமுடிவு, நேரமுடிவு என்று பொருள்படும் சொல்தான். பெரும்பாலும் ஒரு புள்ளியிலிருந்து அடுத்த புள்ளிக்குச்   சென்றடைந்த நிலையில்தான் நேரம் என்பதை நாம் உணருகிறோம்,. இன்னும் அரைமணி நேரத்தில் நான் வகுப்புக்குப் போகவேண்டும் என்றால், கெடார முள் அந்தக் குறிப்பிட்ட புள்ளியிற் சென்றடையும் எதிர்பார்ப்புக் கெடுவைத்தான்  குறிக்கிறோம்.

"கடிகாரமு" என்று தெலுங்கில்  வரும் இந்தக் கடிகாரச் சொல்,
சங்கதமொழியில் காடகா (ghaTaka) என்று வருகிறது.  .காரி (Ghari) என்றும் சொல்லப்படும்  கேட்டுவாசல், பேக்குப்பை என்று சிலர்
சிற்றூர்களிற் பேசுவதுபோல, இரண்டும் சேர்ந்து  காடகா+ காரி1 என்றாகி, கடிகாரம் என்று திரிந்தது எனின், சரியாக இருக்குமோ
என்பது கேள்வி.  ஒரு சொல்லை அமைக்கும்போது, தமிழ் மூலங்களைக் கொண்டே அமைத்தாலும், நாம் மொழிபெயர்க்கும் முதற்சொல்லோடு ஒலியொப்ப வடித்தால் ( as homonym or near-homonym)  இதுவும் தொல்லையாகிவிடுகிறதன்றோ.  பார்லிமென்ட்
எனற்பாலதை பாராளுமன்று என்பது இத்தகு வாதத்தை ஏற்படுத்தலாம். Government  என்பதை  கோவருமன்று என்று எழுதி,  கோ =அரசன் , அரசு,   அரு - அரிய , இணையற்ற ,  மன்று -  அவை'  -  அரசாளும்  அவை,  ஆகவே  அரசு ஆள்வோர்  என்றாலும்,  குழப்பம் நீடிக்கவே செய்யும்.- வாதிடும் சிலரால்.

இது முன் இலங்கையில் கெடாரம்  என்று வழங்கிப்    பின் கடிகாரம் என்று தமிழ் வாத்தியார்கள்  திருத்தியமைத்துச் சங்கத ஒலி யுடன் ஒப்புமை ஈட்டப்  பட்டதாய் இருக்கலாம் என்பதும் ஆய்வுக்குரியதே.

கெடாரம்  - மணிக்கெடு வைத்துக்கொள்ள  உதவும் ஒரு வளை முகப்புப் பொருள்.


----------------------------------------------------------------------

1.சங்கதத்தில்  இது நீர்க் கடிகாரம் என்று பொருள்படுவது,  குட நீரின் அளவு கொண்டு  மணி தெரிந்துகொள்வது.  கடகா என்பது குடம் என்ற தமிழின் திரிபு ஆகும். குறைவான உள்ளிடம் இருப்பதால் குடம் எனப்பட்டது. குடம் > கடம் > கடகை > கடகா.





.

Why not blog in Malay?

Why not blog in Malay? 
With over 220 million speakers around the world, and a rapidly growing audience, Malay content could be the next opportunity to get you new readers.,,,,,?

நல்ல  ஆலோசனைதான்!    சொல்லாய்வுகள்  சுறுசுறுப்பாக்குமா  அவர்களை?  என் வேலை  பன்மடங்காகிவிடுமே......

சிவஞான போதம் 9: " உராத்துனைத் தேர்."

ஊனக் கண் பாசம் உணராப்  பதியை
ஞானக் கண்ணினில் சிந்தை நாடி
உராத் துனை  தேர்த்து;எனப் பாசம் ஒருவ
தண்ணிழலாம் பதி; விதி எண்ணும் அஞ்செழுத்தே. ( சி  போதம்  9)


இங்கிருந்து  தொடர்கிறோம் :

http://sivamaalaa.blogspot.sg/2016/04/blog-post_17.html

துனை :

ஒன்பதாம் நூற்பாவில் இந்தத் தேர் குறிப்பிடப் படுகிறது. இந்தச் சொல்லில் வரும் துனை என்பது விரைவு என்னும் பொருளுடையது ஆகும்.

துனைதல் என்னும் வினைச்சொல் விரைதலென்னும் பொருட்டாதலின்

துனை என்னும் பகுதி மட்டும் நின்று பெயர்ச்சொல் ஆயினால் அது முதனிலைத்  தொழிற்பெயராய் விரைவு என்றே பொருள்தரும்.

 உராத்துனைத் தேர்

உரா  என்ற சொல்லின் பொருளை அறிவோம்.   இதன் உறவுச் சொற்களை ஆய்வதன் மூலம்  பொருளை எளிதில் கண்டுகொள்ளலாம்.  அதைப் பின்வருமாறு  விளக்கலாம் ,

உர்  என்பது அடிச்சொல் .   இது உள் என்னும் வினையாக்க விகுதி பெற்றுச்  சொல் அமைகின்றது .  உர்  உள் > உருள். உள் என்பது பெயராக்க விகுதியாகவும் வரும். -  வேறு சொற்களில்.

உரு >  உருள் > உருளுதல்.
உரு >  உருடை  ( வண்டிக்கு இன்னொரு சொல்).
உரு >  ஊர்  .  ஊர்தல். (வண்டியில் செல்லுதல்)
உரு >  ஊர் > ஊர்தி  =  வண்டி.( வானூர்தி,  வானவூர்தி  என்ற‌
வழக்குகள் காண்க.)
உரு >  உரா  (  உருளுதல்.)

நில்>. நிலா.  கல் >கலா, பல் > பலா (சுளை பல உடையது )  வில்>  விலா (ஓர்  எலும்பு ) என்பன நோக்குக.

உரா என்பது உருளுதல்; துனை என்பது விரைவு.  உராத்துனைத் தேர் எனின் விரைந்து உருளும் தேர்.

தேர்த்து ‍ ‍=   "தேர் போல்வது"  என்னும் பொருட்டு

சக்கரங்களின் விரைவு உருட்சியினால் பாய்ந்தோடி மறைகின்ற  தேர்.

இதனால் உராத்துனை என்பது விளக்கப்பட்டது.
பின்பு மறுபார்வை செய்யப்படும் .

Hope your reading is more pleasant after editing and insertion of references.

வை விகுதி பெற்ற சொற்கள் சில

விதவை என்ற சொல்லில் வருவது வை என்னும் விகுதி என்று சொல்
லப்பட்டது.  அதைக் கீழ்க்கண்ட இடுகையில் காண்க:‍

http://sivamaalaa.blogspot.sg/2016/04/blog-post_73.html

 இப்போது சில சொற்களைக் காண்போம்.

வித +  வை =  விதந்து குறிக்கப்பட்டவள்.  (கணவனை இழந்தவள்)
அள + வை =  அளவை.
தெரி +  வை = தெரிவை
முகம் + வை = முகவை
அகம் + வை =  அகவை (இவ்வுலகில் ஒருவற்கு வாழ அகப்படும் காலம் )
அறு +வை =  அறுவை.
அரி + வை = அரிவை. (18 > 25 அகவைப் பெண்)  அரிய அழகினை
உடையவள்.  அரு> அரி > அரிவை.    அரு என்பதில் உகரம் கெட்டு இகர விகுதியுடன் வை விகுதியும் பெற்றது .

பலவாம்.  கண்டுகொள்க .

தமிழ் விகுதிகளாற் சொல்லாக்கும் மொழியாகும். முன்னொட்டுக்கள்
குறைவு.

விதவைக்கு மோப்பி என்பது எப்படி >?

 விதவை என்றாலே, விதந்து தனியாக்கப்பட்டோர் என்று பொருள்.
விதத்தல் என்பதற்கு  specially cited or  highlighted என்பது பொருளன்றோ?

ஒன்றைச் சிறப்பாக எடுத்துரைத்தல் விதந்து ஓதுதல் எனப்பட்டது. என்பது

இந்த விதத்தலிலிருந்துதான் " விதம்" என்பதும் வந்தது.

விதம் என்றால் சிறப்பாக வைக்கப்பட்டது என்பதே பொருள்.

வித >  விதத்தல்.
வித > விதம் ( வித+அம்)  ஓர் அகரம் கெட்டது.

வித + வை ‍=  விதவை.  சிறப்பாகக் குறிக்கப்பட்டோர் என்று
பொருள்.இது உடையணிதல் ஒழுக்கம் பற்றிய கடைப்பிடிகளாக‌
இருக்கலாம்.

இந்தச் சொல்லுக்கு மாறான பொருள் உடையது கைம்பெண்களைக் குறிக்கும் மோப்பி என்ற சொல்.

மோப்பம் > (மோந்து பார்த்தல் )
மோப்பம் > மோப்பி  (மோந்து பார்ப்பவள் _)

அதாவது ஆண்களை மோப்பம் பிடிப்பவள் என்ற அர்த்தம். இது
பெண்களுக்கு எதிரான கருத்தோட்டத்தில் அமைந்த சொல் ஆகும்.

மோகம் என்ற சொல்லும்  மோப்பத்தினடியில் தோன்றிய சொல்லே.
மோ + கு+ அம் =  மோகம்.

சில தமிழ் மூலமுடைய் சொற்கள் பிற மொழிகளில் ஆதிக்கம்
பெற்றன.  இது தமிழின் சிறப்பைக் காட்டுகிறது,

இப்போது ஆங்கிலச் சொற்கள் எங்கும் கலந்து வழங்குவது  ஆங்கிலத்தின்
சிறப்பைக் காட்டுவது போல.

For another view of  the word vithavai:

https://bishyamala.wordpress.com/481

(We could not check as the connection was closed abruptly when we tried. It may work from
your location. We shall try later  )

ம் ‍‍‍ன் திரிபு சீனத்திலும்

சீன மொழியிலும் மகர ஒற்றீறு  னகர ஒற்றீறாதல்  உண்டு.
ஒரு கிளைமொழியிலிருந்து தலைமொழிக்கு மாறுகையில் இது
நிகழும்.

சாய் ஸிம்  .  சாய் க்ஸின்

என்பது நல்ல எடுத்துக்காட்டு ஆகும்.

தமிழிலும்  அறம் >  அறன்;   திறம்> திறன் என வருதல்
காணலாம்.

உரனென்னும் தோட்டியான் ஓரைந்தும் காப்பான்
வரனென்னும் வைப்பிற்கோர் வித்து  (குறள்)

உரம் >  உரன்.

முன் வேறு எடுத்துக்காட்டுகள் தந்துள்ளோம்.

உயிர் உயிர்மெய் திரிபு

உயிரெழுத்துக்களில் தொடங்கிய சொற்கள் நாளடைவில் உயிர்மெய் எழுத்துத் தொடக்கமாக மாறுவது தமிழில் காணப்படும் ஒரு வளர்ச்சி என்றே சொல்லலாம். சில சமயங்களில் பொருளில் வளர்ச்சி காணப்படும்.

எடுத்துக்காட்டாக, கலகம் என்ற சொல்.  கலகத்தில் பலர்  நெருங்கி வந்து அடிதடியில் ஈடுபடுவதைக் காண்கிறோம். இவர்கள் இப்படிக் கலக்காமல் தங்கள் தங்கள்  இடத்திலேயே இருந்துவிட்டால்  கலகமே இருக்காது என்று கண்டுகொண்ட ஊர்க்காவல் அறிஞர்கள், ஊரடங்கு என்ற ஒரு நடபடிக்கையை உண்டாக்கினர்.  ஆகவே கலகத்துக்குக் காரணம் கலத்தலே. அடி என்ற சொல்லிலும்,அடுத்துச்சென்றாலே அடிக்கமுடியும் என்பதை அறிந்துகொள்ளலாம். அடு> அடி. இதுபோலவே
அண்டையில் சென்றாலே ( நெருங்கினாலே)  சண்டையைப் போடமுடியும்.
இவற்றிலிருந்து, சொல்லில் சிறு மாறுதலும், அதற்கேற்பப் பொருளில் சிறு வளர்ச்சியும் ஏற்பாடுதல் காணலாம்,

அண்டை >  சண்டை.

அகர வருக்கச் சொற்கள் சகர வருக்கமாக மாறுவது மட்டுமின்றி,
வேறு உயிர்மெய்களாகவும் மாறும்.

 எடுத்துக்காட்டு:

உச்சி > முச்சி.

உச்சி என்பது முன் உச்சியை (அதாவது உச்சியில் முன் பக்கத்தைக்)
குறிக்க எழுந்த சொல்லாகலாம்.  முன் உச்சி ? முச்சி.  ஓர் ஒற்றும் உகரமும் கெட்டன. தேவையற்ற விரிவுகள் ஒழியும். அல்லது உச்சி என்னும் சொல்லின்முன் உள்ள உகரத்தில் ஓர் மகர ஒற்று ஏறிற்று எனினும் அமையும்.

சிவஞான போதத்தின் 9ம் பாடல்

ஊனக் கண் பாசம் உணராப்  பதியை
ஞானக் கண்ணினில் சிந்தை நாடி
உராத் துனை  தேர்த்து;எனப் பாசம் ஒருவ
தண்ணிழலாம் பதி; விதி எண்ணும் அஞ்செழுத்தே.

இது சிவஞான போதத்தின் ஒன்பதாம் பாடல்.

இதன் பொருளைச்  சுருக்கமாக நோக்குவோம்.

ஊனக் கண் = குறையுடையன வாகிய விழிகள் ;

பாசம்  = சடப் பொருள்களை உண்மையென்று உணரும் அறிவு ;

பதியை உணரா =  இவற்றால்  சிவத்தை அறிய இயலாது.

ஞானக் கண்ணினில் சிந்தை நாடி  -  ஞானக் கண்களால் மனத்தை நிலை  நிறுத்தி உணர்ந்து;

உராத்துனை தேர்த்து  = விரைந்து செலுத்தப்படும்  தேரின் தன்மையது

எனப் பாசம் ஒருவ -   என்று பிறழ்வுணர்வினை  விலக்க


விதி எண்ணும் அஞ்செழுத்தே.  =   உறுதி செய்யப்பட்டபடி ஐந்தெழுத்தைச்
சிந்திக்க


தண்ணிழலாம் பதி  -  சிவத்தை அறியலாகும். அருள் பெறலாம்,

ஊனக் கண்களோ  சடப் பொருள்களை அன்றிப் பிற அறிய மாட்டா;  பாச அறிவோ எனின்  நிலை அற்றவற்றை நிலையானவை என்று பிறழ உணரும்;
இவை இரண்டாலும் பயனில்லை.   இவை விரைந்து செல்லும் தேர் போன்ற  தன்மையை நம்முள் உய்ப்பவை;    இவற்றை விலக்கி  பஞ்சாட்சரத்தைக்
கைக்கொள்ளப் , பதியாகிய சிவத்தின் இன்குளிர் அருள் கிட்டுவவதாகும்.

விரைந்து செல்லும் தேரினால் யாருக்கும் பயனில்லை.  அதனில் அமைவுற்ற சிலையைக் கையெடுத்துக் கும்பிடக் கூடப் பத்தனுக்கு  (இறைப்பற்றாளனுக்கு )  முடிவதில்லை. அத்தகைய தேரினைப் பேய்த்தேர்  என்றனர்.

இவற்றைப் பின் விரித்துணர்வோம்,

Previous post on this subject went missing owing to some software error, This was rewritten.

T V RETHINAM PLAYBACK SINGER.

புகழ்பெற்ற பின்னணிப் பாடகி டி.வி. ரத்தினம். (B.1930)

இவர் பாடல்களை நேரில் கேட்ட திரு. அ.பி. மாசிலாமணி உங்களுடன் பகிர்ந்துகொள்வது.
----------------------------------------------------------------------------------


"அப்போது திருமதி ரத்தினம் சிங்கப்பூருக்கு வருகை புரிந்திருந்தார். அவர் பாடலைக் கேட்க சிங்கப்பூர் பார்ட்லி சாலையிலுள்ள இராமகிருஷ்ண மடத்திற்குக் குடும்பத்துடன் சென்றிருந்தோம். நாங்கள் அங்கு சென்று சேர்வதற்குச் சற்று நேரமாகி விட்டது. நாங்கள் மண்டபத்திற்குள் நுழைந்தபோது திருமதி ரத்தினம் மங்களம் பாடிக்கொண்டிருந்தார். இருந்தாலும் அமர்ந்தோம். பின்பு இராமகிருஷ்ண மடத்துத் தலைவர் திருமதி ரத்தினம் நன்றாகப் பாடியதாகவும், வட இந்திய இசை நுணுக்கங்களைத் தென்னகத்து
இசையுடன் கலந்து இனிமை பயத்ததாகவும் கூறித் தன்  புகழுரையை முடித்து நன்றி நவின்றார். அத்துடன் நிகழ்ச்சி முற்றுப் பெற்றது.

அடுத்து வந்த ஒரு ஞாயிற்றுக் கிழமையில் திருமதி இரத்தினம் இசை வழங்கிய , சிங்கப்பூர் பெருமாள் கோவிலில் உள்ள  கோவிந்தசாமிப் பிள்ளை திருமண மண்டபத்திற்குச் சென்றிருந்தேன். மிக்க அருமையாகத்  தமிழிசை‍ --  கரு நாடக இசையை  அவர் வழங்கினார். முடிவடையும்
தறுவாயில், வந்திருந்த சுவைஞர்கள் திரைப்பாடல்களைப் பாடும்
படி கேட்டனர்.  கோவில் சார் இடமாதலால், திருமதி இரத்தினத்துக்குக் கொஞ்சம் தயக்கம் ஏற்பட்டது. தலைமை தாங்கி
இருந்த தமிழவேள் சாரங்க பாணி அவர்கள் எம்.கே. தியாகராஜ‌
பாகவதர் காலத்துக்குப் பின் தாம் தமிழ்ப் படங்களைப் பார்ப்பதில்லை என்றும், தாம் சுவைத்த இசை பாகவதருடையது என்றும் கூறி, திரைப்பாடல் ஏதாவது பாடிச் சுவைஞர்களை மகிழ்விக்கும்படி கேட்டுக்கொண்டார். இப்போதெல்லாம் " இங்கே பேசினால் அங்கே கேக்குது  அங்கே பேசினால் இங்கே கேக்குது என்பது போன்ற தொடர்களால் பாடல்நயம் அற்றவைகள் இக்காலத் திரை இசைப் பாடல்கள் என்றும் குறிப்பிட்டார். பின்னர் திருமதி இரத்தினம் அவர்கள் ஒரு திரைப்பாடல் பாடினார்:  அது " நல்ல பெண்மணி, மிக நல்ல பெண்மணி, மிக நல்ல பெண்மணி " "கெட்ட பெண்மணி
மிகக் கெட்ட பெண்மணி என்ற தொடர்கள் இலங்கும் உடுமலை
நாராயணக் கவிராயரின் பாட்டு.

 இரத்தினம்  பாடிய புகழ் பெற்ற திரைப் பாடல்கள் பல.  பொன்முடிப் பாடல்கள்;  வேலைக்காரியில் "வாழிய நீடுழி, பகுத்தறிவாளன் ஆனந்தன்",  மற்றும் "ஆடவருவாயா கண்ணா",  இன்னொரு திரையில் "மனமுடையோரே மனிதர்கள் என்னும் வாய் மொழி வள்ளுவன் சொல்லாகும்" என்பது, இன்னும்  அஞ்சு ரூபா நோட்டைக் கொஞ்சமுன்னே மாத்தி மிச்சமில்லை"  " அத்தானும் நாந்தானே" என்ற இருகுரலிசை, "மனதுக்கு இசைந்த ராசா, எனை மயக்கு முகவிலாசா" (மர்மயோகி)  "பகைவனுக்கு அருள்வாய் (பாரதி பாடல் )  "ஆளை ஆளைப் பார்க்கிறார்"  "மாலையிட்ட மங்கை
யாரோ என்ன பேரோ எந்த ஊரோ (பாரதிதாசன்)  :  என்று பல.

 ஒரு திரைப்பாடலே அன்று கிடைத்தது என்றாலும்
சுவைஞர்கள் பெரிதும் பாராட்டினர். நல்ல குரல் வளமும் திறனும்
 உடையவர். டி .வி ரத்தினம்.    இவர் பின்னாளில் தண்டபாணி தேசிகரைப் போலவே  கல்லூரி  இசைப்பேராசிரியராய்  ஆகிவிட்டார்  என்று தமிழ் முரசு மூலம் அறிந்தோம்.  "

-----  A P MASILAMANI.

வேதம் கீதம் வேவு வேடம்

http://sivamaalaa.blogspot.com/2016/04/blog-post_89.html

continue reading from the above post:

சில (அறிஞர் கூறும்) திரிபுகளை நாம் நினைவில் வைத்துக்கொள்ள‌
வேண்டும்.

எ‍‍~டு;

வித் >   வேதம்.  இ >ஏ.

தமிழில் இதுபோலும் திரிபு:   களி > களிக்கை > கேளிக்கை. (  அ>ஏ)  கிளை> கேள்  (கிளைஞர்> கேளிர்)   (இ‍‍‍>ஏ)  விகுதிகள்
நீக்கி,  கிள்> கேள் என்றாகும். கிளை என்பதில் ஐ விகுதி. கேளிர் என்பதில் இர் விகுதி (பன்மை).

"கிளை கேடுறுதலின்" (மணிமேகலை)


இன்னொன்று:

கத்  >கீதை.  கீதம்

This  "kath" is the root of  kaththu,   kathaRu,  kathai(thtal),  kAthai etc).  Connected to Arabic kAtib, kItab....).

வித்து என்பது தமிழில் விதை என்று பொருள்தரும். வித் என்ற அடி. தமிழ் வித்து என்பதினின்றும் பெறப்படுகிறது.

கற்பிப்பது, வித்திடுதல் போன்றதே. ஒப்புமை.\

உண்மையில் வேய் > வேய்தம் >  வேதம்.

வேய்தலாவது, மேற் புனைந்துகொள்ளப்படுவது.  கூரை வேய்தல்
போல. ஆங்கிலம் text  டெக்ஸ்ட் என்பது நூலாற் புனைதல் அல்லது
நெசவு என்பதோடு ஒப்புமைக் கருத்து.

ஒ.  நோ:  வேய்வு >  வேவு. யகர ஒற்றுக் கெடல்

முன்காலத்து ஒற்றர்கள் மாற்றுருவு புனைந்துகொண்டமையே இது
காட்டும்.

வேடு >  வேடம்.
(மேற்புனைவு. தன்னுரு மறைத்துப் புனைதல்)

வேடு கட்டுதல்: பானைக்குத்   துண்டுத்துணி மேற்கட்டுதல்.

அறிந்து இன்புறுவீர்.

இடையில் யகர ஒற்றுக் கெடுதல்

இதனையும் நீங்கள் கவனத்தில் வைத்துக்கொள்ள வேண்டும்.

தாதி தாதிமார் என்ற சொல் எங்ஙனம்  அமைந்தது?

தாதி என்ற சொல்லின் முந்து வடிவம் தாய் என்பதே.  அது தி என்ற சொல்லாக்க விகுதி புணர்த்தப்பட்டுள்ளது.

தாய் + தி =  தாய்தி  >  தாதி.

எனவே யகர ஒற்று மறைந்தது.

சொற் புனைவில் இது இயல்பு.   எடுத்துக்காட்டாக:

வாய்+ தி >  வாய்த்தி  > வாத்தி
வாய் பாடம் படித்துக் கொடுப்பவர் .

பணிவுப் பன்மை ஆர் விகுதி பெற்று:

வாத்தியார்  ஆகிறது.

உப + அத்தியாயி  =  உபாத்தியாயி , உபாத்தியாய  என்ற சமஸ்கிருதம்
வேறு  என்பதை முன் விளக்கியதுண்டு.  ஆங்குக் காண்க.

தேய்+கு +அம்  = தேய்கம் >  தேகம்  ( அழிதலை உடைய உடல் )

உய்த்தல்
உய் + த் + இ =  உய்த்தி  > உத்தி  >  (யுக்தி )  உய்த்துணரப்படுவது .


continue reading next relevant post:
  http://sivamaalaa.blogspot.com/2016/04/blog-post_16.html

சீர்ச்செய் சிகிச்சை

சிகிச்சை  என்பது என்னவென்று உங்களுக்குத் தெரியும்.  ஒரு மருத்துவரிடமோ வைத்தியரிடமோ சென்று உங்கள் நோயையோ வலியையோ போக்க அல்லது குறைக்க‌ அவர் செய்வன  ‍  சிகிச்சை எனப்படும். நீங்களும் அதில் பங்குகொண்டு அவர் சொன்னபடி மருந்துண்ணவோ தைலம் தேய்க்கவோ   (etc etc)  வேண்டி வரலாம்.

அதாவது அவரும் நீங்களும் இணைந்து உடலைச் சீர்செய்யச் செயல்படுகிறீர்கள்.

சீர் செய் > (இங்கு செய் ‍ வினைச்சொல்லாய் வருகிறது, ஏவல்.)
சீர்ச்செய் >  இங்கு செய் என்பது முதனிலைத் தொழிற்பெயராய் சகர ஒற்று தோன்றுகிறது.

சிகிச்சை : இங்கு சீர் என்பது சிகு>  சிகி   என்று மாறுகிறது.

வேறு எடுத்துக்காட்டுகள்:

பகு > பா.  பகுதி > பாதி,
திகை:   திகைதி > திகதி > தேதி.
மக > மகன் > மான். (தொண்டைமான், நெடுமான், அதிகமான் )

ககரம் அடுத்து வந்தால் முதனிலை நீளும். ககரம் மறையும்.

இந்த விதியை மடக்கிப் போடால்   reverse,  பா> பகு என்று வருமன்றோ.

எனவே,

சீர் > சீ > சிகு ஆகிறது.
சீர் . சீ > சிகி என்றும் ஆகும்.

மா (பெரிது) > மகி > மகிமை என்றும் வரல் அறிக.

சீ> சிகி.
மா> மகி.

சிகுச்சை /  சிகிக்சை    உ - இ மாற்றமும் இயல்பே. But we can go to  சிகிக்சை without having to wade through  சிகுச்சை,

செய் என்பது சைஎன்றும்  திரியும்.  செய்கை> சைகை.  நன்செய்> நஞ்சை. மொழி முதல் இடை கடையிலும் வந்துழிக் காண்க.

சிகிச் செய் >  சிகிச்சை  ஆகிறது.

ஆகவே சீர்செய் > சீர்ச்செய் > சிகிச்சை : மெய்ப்பிக்கப்பட்டது.

கணக்குப்போல் போட்டுத்தான் சொற்களைக் கட்டியுள்ளனர் என்பது
காண்க‌.

மொழி பொருள் காரணம் விழிப்பத் தோன்றா என்று பாடிய தொல்காப்பியனாரைப் பாராட்டின் தகும். மொழி முற்றுணர் அறிஞர் அவர்.

நல்லிசைப் புலவர் கல்லாடனார்:

continue from  http://sivamaalaa.blogspot.sg/2016/04/blog-post_91.html


கல்லாடனார்:  அவர் ஒரு  நல்லிசைப் புலவர்.  சொல்லில் நாகரிகம் மிக்கவர் என்று நன்கு பாராட்டலாம்.  ஏன்?

"அத்தான் வருவாக" என்ற இடுகையில், தரப்பட்ட குறுந்தொகைப் பாடலில்  தொண்டைமான்கள் பரம்பரை என்பதை "தொண்டையர்" என்ற சொல்லால் புலவர் குறிப்பிடுகிறார். சொல்லானது பன்மையில் ஆளப்பட்டுள்ளது காணலாம்.

போரில் பல வெற்றிகள் ஈட்டிய அவர்களின் யானைகள் "அண்ணல் யானைகள் " ஆகின.  அண்ணல் உயர்ந்தோன் என்றும் பொருள்படும். இது
தொண்டைமான்களின் சிறப்பை யானகள் மேலேற்றிக் கூறுதல் ஆகும்.
அவை தின்பது பகைவரின் விளைச்சல்களை.

தொண்டைமான்கள் வீரர்கள். பகைவர் உணவை உண்ணார்.  உண்பவை
யானைகள். சொந்த உணவு இல்லாதவர்களா தொண்டைமான்கள்?.

புலவரின் பாடலில் இதுவும் ஒரு சிறப்பு ஆகும்.

Why words corrupt?

Continue from  விபுலம்  what is it?


http://sivamaalaa.blogspot.sg/2016/04/whats-it.html


இரண்டு மூன்று எழுத்துக்களை விலக்கிவிட்டு அமைக்கப்பட்ட சொற்களும் உள்ளன என்பதைச் சில ஆண்டுகட்கு முன்னரே எழுதியிருந்தேன். மறந்திருந்தால் ஓர் எடுத்துக்காட்டு:

விழு + வாழ் + அகம் . வி+வா+ கம். = விவாகம்.
அகத்து வாழ்வே விழுமியது, சிறந்தது; துறவு அன்று என்பது பொருள்.

விழு+வாழ்+ ஆகம் > வி +வா+ கம்  எனினும் அமையும். ஆகும் என்பதன் திரிபாய் அல்லது ஆகு+ அம் என்பதன் இணைப்பாய் வரும்.

இந்தியாவெங்கும் ஒரு காலத்துத் தமிழே வழங்கியது. சொற்கள் திரிந்து பாகதமாகி, உருக்குலைந்ததன் பயனாய் இங்ஙனம் மாறின என்பதே உண்மை. கருப்பின் கலப்பு இந்தியாவெங்கும் காணப்படுகிறது.  அது இடத்திற்கேறப அளவில் அழுத்தத்தில் வேறுபடலாம். நிறம் மயங்கிய காலை, சொற்கள் மயங்காவோ?
பொதுப்படைப்பாகிய சமஸ்கிருதத்தில் சொற்கள் சென்று சேர, அவற்றின்  தோற்றகம் எங்கு என்று அறிவது இதுகாலை குதிரைக்கொம்பாகிவிட்டதன்றோ?  அதன் முன் வழங்கிய பாகதங்கள் ஒழிந்தன அல்லது திரிந்தன.

விபுலம் what's it?

விபுலம் விபுலம் என்பது   ஒரு  கவின்குழைந்த  சொல்.

பார்க்கும்போதும்  கேட்கும் போதும்  தமிழா என்று எண்ணத் தோன்றுவது !

விரி என்பது தமிழ்ச்சொல்.

புலம்  என்பதும்  தமிழ்ச்சொல்.


விரி+ புலம் >  விரிபுலம்  >  ?

ரிகரத்தை  எடுத்துவிட்டால்  "விபுலம் !"

 தமிழ் வளர்த்த விபுலாநந்தரைத் தெரியுமா?  Swami VipulAnanthA!

இனிய பெயரைத் தேர்ந்தெடுத்துள்ளார். விபுலானந்த அடிகள்>

விரிபுலம் என்பது பூமியைக் குறித்தல் போலவே விபுலம் என்பதும் பூமியையும் குறிக்கும்.

பெருமை, விரிவு, அகலம் என்பது இந்த பிற்படைப்பின் இன்பொருள் .

தொடர்ந்து படிக்க:   http://sivamaalaa.blogspot.sg/2016/04/why-words-corrupt.html
why words corrupt?

கன்றில் ஓர் ஆ

இங்கிருந்து தொடர்கிறோம்.

தொண்டைமான்  அரசின் சிறப்பு :
http://sivamaalaa.blogspot.com/2016/04/blog-post_91.html

கல்லாடனார் குறிக்கும் மரங்கள்
http://sivamaalaa.blogspot.com/2016/04/blog-post_81.html

நிமித்தங்கள்
http://sivamaalaa.blogspot.com/2016/04/blog-post_9.html

அத்தான் வருவாக !  என்றதோழி
http://sivamaalaa.blogspot.com/2016/04/blog-post_8.html




கல்லாடனாரின் குறுந்தொகைப் பாடலைத் தொடர்ந்து சுவைப்போம்.
இப்போது அதன் இறுதி அடிகளுக்கு வந்துவிட்டோம்.

வண்தேர்த் தொண்டையர்  வழையம லடுக்கத்து
கன்றில் ஓர் ஆ விலங்கிய
புன்றாள் ஓமைய சுரனிறந்  தோரே.

இப்பாடல் தொண்டைமான்களின் ஆட்சியில் இருந்த வேங்கடத்தைக் குறித்தது என்று கண்டோம். இந்  நிலப்பகுதியையே தலைவன் கடந்து சென்றான் என்று கல்லாடனார் குறிக்கின்றார். இது மிகு வெப்பமான நிலப்பகுதி. அவன் கடக்குங்காலை ஒரு மரத்தடியில் ஓர் ஆ நின்றுகொண்டிருந்தது. அது ஒரு தனிப்பசு. அதற்குக் கன்று இல்லை. அது அம் மரத்து நிழலை விட்டுச் செல்ல இயலாமல் அங்கேயே நின்றுவிட்டது,  நிழல்தரு அடுத்த மரம் தொலைவில் உள்ளது. இடையில் வாட்டும் வெப்பத்தில் செல்ல ஆவுக்கு இயலாத நிலல். அந்தப் பாலை வெப்பமான நிலப்பகுதி என்று நேரடியாகக் கூறாமல் பாடல் நமக்குத் தெளிவுறுத்துறுகிறது.

அந்த ஆவைப் பார்த்துக்கொண்டுதான் அப் பகுதியைத் தலைவன் கடந்து சென்றான்  என்று பாடல் சொல்லவில்லை. ஆனால் அவன் பார்த்திருக்க வேண்டும். அதற்குக் கன்று இல்லாமல், தனித்துயர் உழந்து மரத்து நிழலில் நிற்பதானது, தலைவி இன்னும் ஒற்றை ஆவினைப்போல்தான் உள்ளாள் என்பதை அவனுக்குத் தெரிவித்து உறுத்தியிருக்குமே! வாழ்க்கையை வளம் செய்துகொள்ளப் பொருள் வேண்டிச் சென்றாலும் காலம் தாழ்த்தாமல் திரும்பிவிட வேண்டுமென்பதை அது அவனுக்குக் குறிப்பாலுணர்த்துவது ஆகும்,
அவள் தன் பெற்றோர் குடும்ப நிழலிலேயே இன்னும் நின்றுகொண்டிருக்கிறாள். அவளுக்கு வேறு போக்கில்லை. கவலையில் வாடிக்கொண்டிருக்கிறாள்.

அந்த ஓமை மரங்களின் அடி அவ்வளவு அழகுடையவை அல்ல.
அதுபோல, தலைவியில் குடும்பச் சூழலும் அத்துணை இனிதாக இருந்திடவில்லை.  ஆகவே புன் தாளும் ஒரு குறிப்பினையே உணர்த்துவதாம்.

பாலையைக் கடந்து சென்றவனும் தேவை இருந்ததனால்தானே
செல்றான், அவன் கடந்து சென்றான் என்பதை இத்தகு காட்சிகளுடன் தந்து கவலை வண்ணத்துடன் முடிக்கிறார்  சங்கப் புலவர் கல்லாடனார்.

ஒவ்வொரு புலவனும் தன் வாழ்நாளில் பல பாடியிருப்பான் எனினும் தொகை நூல்கள் மூலம்  நாம் சிலவே அறிந்து இன்புற முடிகிறது.  கிட்டாமல் ஒழிந்தவை  பல. பாதுகாக்கப் படாத பல உணர்ந்து துன்புறும் வேளையில்  கிடைத்தவற்றையாவது  போற்றிக்கொள்வோமாக.

தொண்டைமான்களின் அரசு சிறப்பு

அத்தான் வருவாக என்ற இடுகையின் தொடர்ச்சி.

http://sivamaalaa.blogspot.com/2016/04/blog-post_8.html


தொண்டைமான்களின்  அரசின் சிறப்பை இப்பாடல் சுட்டுகிறது.
புற நானூறு போன்ற இலக்கியங்க்களில்தாம்  இத்தகு விடையத்தைக் காண
முடியும் என்பதில்லை. அகப்பொருட் பாடல்களிலும் இத்தகைய குறிப்புகள் கிடைக்கும்.  படிக்கும் நாம் விழிப்புடன் படித்துச் சுவைத்துக்கொள்ள
வேண்டும்,

குருகும் இருவிசும்பு இவரும் புதலும்
வரிவண்டு ஊத  வாய் நெகிழ்ந்தனவே!
சுரிவளைப் பொலிந்த தோளும் செற்றும்;
வருவர்கொல் !  வாழி தோழி பொருவார்
மண்ணெடுத்து உண்ணும் அண்ணல் யானை
வண்தேர்த் தொண்டையர்  வழையம லடுக்கத்து
கன்றில் ஓர் ஆ விலங்கிய
புன்றாள் ஓமைய சுரனிறந்  தோரே.

தொண்டைமான்கள் நல்ல போராளிகள். ஓயாது களம் கண்டு வெற்றிமேல் வெற்றி குவித்தவர்கள்.  அரசுக்குப் பணம் தேவை என்றால் வரி விதிக்கலாம்.
ஆனால் வரிகள் மிகுந்துவிட்டால்  குடிமக்களுக்குச் சுமை மிகுந்துவிடும் .
இத்தகைய சுமைகளைத் தணிக்கப் போரென்பது ஒரு முன்மையான வழியாகும் .ஆகவேதான் தொண்டைமான்கள் போலும் அரசர்  போர்களில் மிகுந்த ஈடுபாடு காட்டினர்.

யானையைக் கட்டித் தீனியைப் போட்டது போல என்பது தமிழ்
நாட்டின் உவமைத்  தொடர்களில்  ஒன்று.  படைகளில் பணி புரியும் யானைகளுக்கு எல்லாம் தீனி போட எவ்வளவு வேண்டும் ?  இந்தப் பாடல்  இதைக் குறிப்பால் உணர்த்துகிறது. தொண்டைமான்களின் யானைகள் யாவும் தோற்ற பகைவர்களின் விளைச்சலை  எடுத்துதான் உண்ணுகின்றன  என்கிறார் புலவர். இங்கு மண் என்றது மண்ணின் விளைச்சலை.

இந்த யானைகளுக்கும்  அண்ணல் யானைகள் என்று அடைமொழி
தரப்படுகிறது. போர்களில் வென்று வாகை சூடிப் பெருமை பெற்ற யானைகள் .தொண்டைமான்கள் போல் இவ் யானைகளும் விம்மிதம் அடைந்தவை.  ஆகவே  அண்ணல் யானைகள் என்ற அடைமொழி மிக்கப் பொருத்தம் ஆகும் .

தொண்டைமான்களின்  தேர்கள் யாவரும் கண்டு வியக்கும்   வண்மை காட்டுபவை. வண் தேர்  என்பது காண்க . அரசின் பொருள் வளம் காட்டும்  ஒப்பனை பல பொருந்தியவை.

வழை  அமல் அடுக்கம் என்பது  அவர்களின் ஏழு மலைகள் கொண்ட தொடரைக் காட்டுவது ஆகும்.  அது வேங்கட மலை ஆம். வெம்மையும் கடத்தற்கு அரியனவாயும்  திகழ்ந்தமையின்  அங்குள்ள பகுதிகள்  வேங்கடம் எனப் பெயர் பெற்றன.  இச்சொல் தொல்காப்பியப் பாயிரத்திலும் உளதாகும்.

இங்ஙனம்   தொண்டைமான்களும் சிறப்பிக்கப் படுகின்றனர்; அவர்களின் யானைப்படையும்  சிறப்பிக்கப் படுகிறது. எப்போதும் பகைவர் மண்ணின் உணவே உண்பன என்றால் அவை வெற்றிமேல் வெற்றி குவித்தவை என்பதாம்.  தம் நாட்டு உணவு வேண்டாதவை அவை.

என்னே புகழ்ச்சி!  என்னே உண்மை நவிற்சி !

Read more:

http://sivamaalaa.blogspot.com/2016/04/blog-post_13.html

http://sivamaalaa.blogspot.sg/2016/04/blog-post_12.html

http://sivamaalaa.blogspot.sg/2016/04/blog-post_81.html

http://sivamaalaa.blogspot.sg/2016/04/blog-post_9.html

சட்டமும் பழமையின் எதிர்காலமும்

பல்லாயிரம் ஆண்டுகள்தாம்
புரையோடிய புண்களுக்குப்
பூசி  நலம் காண்டற்குப்
புத்தொழுங்கு நன்முறைகள்.

செயிர் தீர் தேவி தொழும்
சீர்தரும் விழாவினிலே
உயிர் போக்கும் வெடிகளினால்
செவி கிழியும்  ஒலி எழுகை.

தொன்றுதொட்டுப்  பின்பற்றும்
தோமறு நிகழ்வுகளை
இன்றுகெட்டுப் போகவிட்டால்
எங்கனமோ! பொங்குமனம்.

சட்டம்தான் மறுத்திடினும்
சாங்கியத்தை மறைத்திடவே
வெட்டமுள்ள மதக்குரவர்
வேண்டாமை ஒப்புவரோ?

பழமைக்கும் புதுமைக்கும்
பார்க்குமொரு போராட்டம்
வழமை இது மாறிவர
வாய்ப்பினியே வந்திடுமோ?






  

CONDOLENCES:FOR DEAD IN PUTTINGAL DEVI TEMPLE FIRE KERALA

கொல்லம் புத்திங்ஙல்  தேவி  ஆலயத்துப் பட்டாசுத்  தீயில் 90 பேர் கொல்லப்பட்டனர். (by 1015 hrs)  பலர் காயமடைந்தனர்   இப்போது தீ கட்டுக்குள் கொண்டு வரப்பட்டுள்ளதாகத் தெரிகிறது.

இறந்தோருக்கு நம் இரங்கல் .

காயமடைந்தோர் விரைவில் நலம் பெற இறைவனை  இறைஞ்சுவோம்..  




தேவி திருவிழவில் தீமாண்டோர் ஆவியுமே
மேவுக நல்லமைதி மிக்கு .

தேவியின் சோதனை தாங்கொணாத வேதனை 
கோவம் தணிகவென்று தொடர்கபற்றுச்  சாதனை. 

விழவு = விழா.


EDITED.

சீக்கிரம் என்ற சொல்

இப்போது சீக்கிரம் என்ற சொல்லை ஆய்வு செய்வோம்.  இது தமிழன்று என்று சொல்லப்படினும் இதன் அடிச்சொற்கள் தமிழாக உள்ளன.

சீ என்பது சீர் என்ற தமிழ்ச்சொல்லின் கடைக்குறை, ரகர ஒற்று இறுதியில் நின்றால் அது பேச்சு வழக்கில் மறைந்துபோவது பெருவழக்காதலின் அதை இப்போது விரிக்கவில்லை.

கிறங்குதல் என்பது அசைதல் என்ற பொருள் உடையது, இதன் அடிச்சொல் கிறு என்பது. கிற்புறுதல் கிற்றல் என்பனவும்   கில் > கிறு என்ற அடியில் தோன்றியனவே ஆகும். கில் >  கிரு  எனினுமாம் .

கிறு+  அம் =  கிறம் ஆகிறது. இதன் றுகரம் ருகரமானால் கிறு> கிரு+ அம் = கிரம் ஆகும்.

சீ  + கிரம் =  சீக்கிரம் ஆகும்>

இது சீராக அசைதல், எதிர்பார்ப்புக்கு ஏற்ப அசைதல் இயங்குதல் என்று பொருள்பெறுகிறது.

உண்மையில் இது சீர்க்கிறம் பின்னர் திரிந்து சீக்கிரம் என்று இதன் அடிச்சொற்கள் யாவை என்று அறியாத நிலையில் வாத்தியார்களால் எழுதப்பட்டுத் தமிழன்று என்று கருதப்பட்டுள்ளது. பின் பிறமொழிகட்குப் பரவியிருக்கின்றது,

இப்போது இது விரைவு குறிக்கிறது.  எதிர்பார்க்கும் வேகக் கூடுதலே சீக்கிரம்

கல்லாடனார் குறிக்கும் மரங்கள்

இதைத்  தொடர்வோம்:

http://sivamaalaa.blogspot.sg/2016/04/blog-post_8.html


வழையம லடுக்கத்து     
கன்றில் ஓர் ஆ விலங்கிய
புன்றாள் ஓமைய சுரனிறந்  தோரே.=----  கல்லாடனார் 

அவர்தம் குறுந்தொகைப் பாடலில் ஓமை மரம்பற்றிக் குறிப்பிடுகிறார். இதன் குச்சியைப் பல்துலக்க பயன்படுத்தலாம் என்பதால் இதை பல்குச்சி மரம் (tooth brush tree )  என்றும் சொல்வர்.  சல்வடோரா பெர்ஸிகா  1   என்ற
தாவரவியற் பெயரையும் உடையதாகும் இது. கீதா மணவாளன் முதலிய இந்திய அறிவியல் ஆய்வாளர்கள் இதில் மருத்துவக் குணங்கள் அடங்கியுள்ளன என்பதாகவும் குறிப்பிடுவர். நபி நாதர் இதனைப் பலதுலக்க பயன்படுத்துமாறு பரிந்துரை செய்துள்ளார் என்று அறிகிறோம்.  மேல்விவரங்களுக்கு விக்கிபீடியாவைப் பார்க்கவும்.
ஓமை என்பது மாமரத்தையும் குறிப்பதாகக் கூறப்பட்டாலும்  கல்லாடனார் பாலையைக் குறித்திருப்பதால், இந்தப் பாடலில் மாமரம் பற்றியதொன்றுமில் லை என்று கருதவேண்டும்.

வழை :  gamboge

வழை என்னும் மரத்திலிருந்து காவி நிறப் பிசின் எடுக்கப்பட்டு, துறவிகளில் உடைகளுக்குப் பயன்படுத்தப்படுகிறது. இந்த மரத்தையும் புலவர் குறிக்கிறார்.

இவற்றைப் பாடலுடன் அடுத்துக் காண்போம்.

தொடர்ந்து வாசிக்க:

தொண்டைமான்களின் அரசின் சிறப்பு

http://sivamaalaa.blogspot.com/2016/04/blog-post_91.html

-------------------------------------------------------------------------------------

1  Salvadora persica (Arak, Galenia asiatica, Meswak, Peelu, Pīlu,Salvadora indica, or toothbrush tree, mustard tree, mustard bush)

நிமித்தங்கள் (குறுந்தொகை, கல்லாடனார் )

சென்ற இடுகையிலிருந்து தொடர்வோம் ,

 குறுந்தொகை கல்லாடனார்

http://sivamaalaa.blogspot.com/2016/04/blog-post_8.html

குருகும் இருவிசும்பு இவரும் புதலும்

வரிவண்டு ஊத  வாய் நெகிழ்ந்தனவே!

சுரிவளைப் பொலிந்த தோளும் செற்றும்;

வரு

குருகு என்பது நாரை.  அது உயரப் பறந்தால் பிரிந்து சென்றவர் விரைவில் திரும்பி வருவார் என்பதை முன்னறிவிக்கும் என்ற நிமித்தம் உண்டு என்று இந்தப் பாடல் கூறுகின்றது. நாரைகள் வாழ் இடங்களுக்கு அருகில் இருப்போரிடம் இதைக் கேட்டறிய வேண்டும், இதை இந்தப் பாடல் மூலமே யாம் அறிகிறோம். நாரைகள் என்ன, கோழி வாத்து முதலியவற்றையே இனி விலங்குக் காட்சி சாலையில் தான் காணவேண்டி வரும். தம் பாடல் மூலம் இதை நமக்குத் தெரிவித்த கல்லாடனாருக்கு நாம் நன்றி சொல்வோம்.  'குருகும் இருவிசும்பு இவரும்"  என்று அழகிய தொடரில் இதைக் கூறுகிறார்.

"புதலும் வரிவண்டு ஊத வாய் நெகிழ்ந்தன "  என்பார் புலவர். புதல் என்பது அழகிய தமிழ்ச் சொல்.  அதனடி புது என்பது.  அரும்பைக் குறிக்கும்.  புதல்வி புதல்வர் என்பவும் இச்சொல்லுடன் தொடர்பு உடையன.  பூத்தன என்று வழக்கம்போல் வரணிக்காமல் :வாய் நெகிழ்ந்தன என்பது மிக்க இனிமை பயப்பதாம்,  நெகிழ்ந்ததும் வண்டுகள் வந்து அங்கு ஊதாநின்றன என்பது இன் தமிழால் நமக்கு இன்பம் தருகிறது.  இதுவும் ஒரு நிமித்தம். முன்னறிவிப்பு. அவர் வந்துவிடுவார் என்பதை முன்குறிக்கின்றது.

இவைகளெல்லாம் தலைவியின் நீங்கிய நிமித்தங்கள். தொலைவில்

நடந்து தோழியும் தலைவியும் காண நடப்பன.  தலைவிக்கே தோளில்  ஒரு விம்மல். ஒரு பூரிப்பு. ஒரு துடிப்பு. இது அவளைத்

தொட்டு நிகழும் ‍ அதாவது இடையீடு இன்றி  -  தற்சார்பு நிலையில் -  (personal)  நடைபெறும் நிமித்தம். அதனாலும் அவர் வந்துவிடுவார் என்று முன்குறிப்பாகிறது.

ஆகவே தோழிக்கு உறுதியாகத் தெரிந்துவிட்டது. அதனால்   தேற்றுகிறாள் தலைவியை. சுரிவளை என்பது சங்கு வளையல்.

சுரிவளை அழகுறும்படியாக  (பொலிவு)  தோள்கள் செற்றின. செறிவு பெற்றன. புலவரின் சொற்களால்: " சுரிவளைப் பொலிந்த தோளும் செற்றும்." என்று வருகிறது.

இந்தத் தமிழைச் சிந்தித்து மகிழுங்கள். அடுத்த இடுகையில் தொடர்வோம்.

தொடர்ச்சி

http://sivamaalaa.blogspot.com/2016/04/blog-post_81.html

1359 03082021

சில திருத்தங்கள் செய்தோம்.

அத்தான் வருவாக ! என்ற தோழி

காதலர் வந்துவிடுவார் என்பதற்கான அறிகுறிகள்  (நிமித்தங்கள்)  சில அவளுக்குத் தோன்றுகின்றன. இவற்றைக் கண்டு அவள் ஆற்றாதவள் ஆகின்றாள். இவற்றின் பொருள்  அவள்  அறியவில்லையோ ?:

என்ன இந்த நிமித்தங்கள்?  குருகுகள் உயரப் பறக்கின்ற‌ன.  மலர்களில் வண்டுகள் ஊதி இசை பரப்புகின்றன.  அவள் தோள்களோ சற்றுத் தடித்துவிடுகின்றன. இவற்றைக் கண்டு  இவற்றின் பொருளையும்  கண்டுகொண்ட  தோழி, கவல்கின்ற தலைமகளுக்குத்  தேறுதல் கூறுகின்றாள்.

இவை கூறும் கல்லாடனாரின் குறுந்தொகைப் பாடலை (260(  பாடி
மகிழ்வோமா?

குருகும் இருவிசும்பு இவரும் புதலும்
வரிவண்டு ஊத  வாய் நெகிழ்ந்தனவே!
சுரிவளைப் பொலிந்த தோளும் செற்றும்;
வருவர்கொல் !  வாழி தோழி பொருவார்
மண்ணெடுத்து உண்ணும் அண்ணல் யானை
வண்தேர்த் தொண்டையர்  வழையம லடுக்கத்து
கன்றில் ஓர் ஆ விலங்கிய
புன்றாள் ஓமைய சுரனிறந்  தோரே.


குருகும் இருவிசும்பு இவரும் --  நாரைகளும் அகன்ற வானில் உயரப் பறக்கின்றன.

புதலும் வரிவண்டு ஊத  வாய் நெகிழ்ந்தனவே!  ‍   அரும்புகளும் வரிகளையுடைய வண்டுகள் வந்து இசைக்க,
அவிழ்ந்து மலராயின;

சுரிவளைப் பொலிந்த தோளும் செற்றும் :   (உன்)  சங்கு வளையல்களால் அழகு பெற்ற கைகளை யுடைய தோள்களும்
பூரித்துவிட்டன;

பொருவார் மண்ணெடுத்து உண்ணும் அண்ணல் யானை :  தோற்ற பகைவர்
நிலங்களின் விளைச்சலை எடுத்து உணவு கொள்ளும் உயர்ந்த‌
யானையும்;

வண்தேர்த் தொண்டையர்  :  வண்மை பொருந்திய தேரும் உடைய‌
தொண்டைமான்களின்;

வழையம லடுக்கத்து : சுரபுன்னைகள் மிகுந்த மலைத்தொடரில்;

கன்றில் ஓர் ஆ விலங்கிய :  ஒரு "மலட்டு" ( அதாவது இன்னும்கன்று ஈனாத ) ஆனை  அங்குத்  தங்கிவிடச் செய்த  ;

புன் தாள் ஓமைய சுரன் இறந் தோரே.  ‍ புன்மையான அடிகளை உடைய ஓமை மரங்கள் அங்கொன்றும் இங்கொன்றும் உள்ள  பாலையைக் கடந்து சென்ற உன் தலைவர் ( காதலர் ).

வருவர்கொல் ‍  :  அவர் வந்துவிடுவார்! நீ வருந்தாதே!

என்று தேற்றிய தோழியைத்  தலைமகள் வாழ்த்துகிறாள் :  வாழி தோழி ! 

இதனைக் கொஞ்சம் விரிவாக அடுத்துக் காண்போம் .http://sivamaalaa.blogspot.com/2016/04/blog-post_9.html

தொடர்ச்சி :

நிமித்தங்கள்

http://sivamaalaa.blogspot.com/2016/04/blog-post_9.html

கல்லாடனார் குறிக்கும் மரங்கள்

http://sivamaalaa.blogspot.com/2016/04/blog-post_81.html

தொண்டைமான்களின் அரசின் சிறப்பு.

http://sivamaalaa.blogspot.com/2016/04/blog-post_91.html


http://sivamaalaa.blogspot.com/2016/04/blog-post_13.html

word building technique

உடம்படு மெய் வருமிடங்களையும் அவை வாரா இடங்களையும் ஓர் உதாரணம் மூலம் விளக்குவோம்;

எடுத்துக்காட்டாக ஆஸ்திகம் என்ற சொல்லைப் படைக்கவேண்டும்.
இதற்கான அடிச்சொற்கள் ஆசு+ திகை+ அம் என்பன.  ஆசு = பற்றுக்கோடு. ஆதரவு.  திகை =  திகைதல், உறுதிப்படல், நிறுவப்படுதல். அம் என்பது விகுதி. குறிக்கத்தக்க பொருள்: பற்றுக்கோடு உறுதிப்படல். இறைவனின் ஆதரவு உறுதியாக , அவனை நம்புதல்.
 உட‌
ஆசு + திகை+ அம் என்பதை வழக்கமான முறையில் புணர்த்தினால்
ஆசுத்திகையம் என வரும். இது முதலாவது நீண்டுவிட்டது. இரண்டாவது கேட்க இன்னா ஓசை பிறக்கிறது.  ஆகவே, இப்புணர்ச்சி முறையை மாற்றி,  தகர ஒற்றை எடுத்துவிட்டு
யகர உடம்படு மெய்யையும் ஐகாரத்தையும் எடுத்துவிட்டு
ஆசு திக் அம் = ஆசுதிகம் எனின் சொல் குறுகி இனிமை பிறக்கிறது.
மேலும் திரித்து,  ஆஸ்திகம் எனின்  அது நிறையழகையும் பெறும்
சொல்லாகிவிடுகிறது.

இல்லையென்றால் அறு+ அம் = அறம் என்னாது அறுவம் என்று வகர உடம்படு மெய் பெற்றுவர வேண்டுமெ!  சொல் நீண்டுவிடுகிறது. அறம் என்ற சொல் அமைந்த பிறகு அறுவம் என்ற‌
இன்னொரு சொல் அதே அடியிலிருந்து பிறப்பிக்க வேண்டுமானால்
அறுவம் என்பதையும் வைத்துக்கொள்ளலாம். சொல்லின் பொருள் அதன் அடியிலிருந்தும் வழக்கிலிருந்தும் தீர்மானிக்கப்படும்.

இதைப் பல முறை விளக்கியுள்ளேன். If you have missed previous posts on the subject or
if they had been deleted by viruses . third party or otherwise missing from our  archives, then this serves the intended purpose.  Will edit later.

Control your diabetes

நீரிழிவு நோயினுக்கு நிலைக்களனே  அளிக்காதீர்.
நேர்முகமாய் மறைமுகமாய்ச்  சீர்கேடு பற்பலவாம்.
ஊர் ஊராய்க் கணக்கெடுக்க உயிர்விட்டோர் பலகோடி!
சீருணவு மேற்கொள்வீர் செய்பயிற்சி  முன்வைத்தே



.https://sg.news.yahoo.com/diabetes-causes-1-5-mn-deaths-un-chief-173403544.html

Diabetes causes 1.5 mn deaths a year: UN chief

இரண்டு வெண்டைக் காயை முனைகளை வெட்டிவிட்டுக்  கீ ந்து ஓர் இரவு தண்ணீரில்  ஒரு கோப்பையில் ஊறவைத்துக்  காலையில் அந்தப் பிசின் நீரைக்  குடிக்கவும்.    மிஞ்சிய வெண்டைகாயைக்  குழம்பில் போடலாம்.
இந்த நீர்  ஒரு நல்ல துணை மருந்து.  மருத்துவர் தரும் ஆங்கில  மருந்துகளுடன் இதையும் கைக்கொள்ளலாம். முரண்  இல்லை. உடலில் உள்ள சர்க்கரையின் அளவு குறைய உதவும். சிலர் செய்து வருகின்றனர்.  Do not stop your prescribed medication.  If Sugar level drops too low, then reduce the number of lady's fingers.

காய்ந்த வெண்டையில் பலன் குறைவு. புதிதாகப் பச்சையாக  இருக்கவேண்டும் .

வெண்டியை  நன்கு கழுவி சின்கோலிகள் (பாக்டீரியா) இல்லாமல் பார்த்துக்கொள்ளவும். கொதித்து ஆறின நீரில் ஊறவைக்கவும்.  குழாய் நீரில்  தூய்மைக்கேடு  இருக்கலாம். கோப்பையையும்  நன்றாகக்   கழுவுக .

Consult your healthcare professionals.

Pop Star snake-bitten sings on, dies

சொல்லொடு சுரத்தைக் கோத்துச்
சுவைதரப் பதிந்து பாடி
பல்லெடு படாத பாம்பைப்
பயமிலள் மிதித்தும் ஆடிக்
கொல்லவும் படுதல் அந்தோ
கூரிய விதியோ தேர்வோ
நல்லது கடித்தும் நஞ்சை
நயந்தவள் மறைந்த தென்னே!

Pop Star Bitten By Cobra Sings On Before Dying

https://sg.news.yahoo.com/pop-star-bitten-cobra-sings-dying-071317638.htm

Irmawathy from a poor family:

lhttp://time.com/4286323/irma-bule-snake-bite-cobra-singer-dangdut-indonesia/

Your pen and your patience.

பந்துமுனை இறகிவரை பணிமறுப்பில் அடம்பிடிக்கின்
நொந்துமனம் பழுதுபோன தென்றதனைக் களைந்திடற்க!
வந்துவிடும் மனமலரும் வல்லேபணி தொடர்ந்துசெலும்.
வெந்துருகும் பாத்திரத்தில் வெந்நீர்மை  யடைப்பிடவே

இது விருத்தம் யாம் பாடியது.  யாம் கூறுவது தெளிவாகவே உள்ளது. படித்து மகிழுங்கள்

இதன் பொருளை இங்கு விரித்து எழுதியுள்ளேன்:

https://bishyamala.wordpress.com/2016/04/07/ball-pen-refusing-to-work/.

Singapore: தானோடி வாடகை வண்டிகள் autonom. taxis

Autonomous taxis may soon be coming to Singapore

Hopefully during your next visit to Singapore, you can travel around in one of these taxis.

https://sg.news.yahoo.com/autonomous-taxis-may-soon-coming-191741073.html?nhp=1


தானோடி வாடகை வண்டிகள்!! 

சிவஞான போதம்: இறைவன் அன்னியம்.?

ஐம்புல வேடரின் அயர்ந்தனை வளர்ந்து எனத்
தம்முதல் குருவுமாய்த் தவத்தினில் உணர்த்த விட்டு
அன்னியம் இன்மையின் அரன்கழல் செலுமே.


இறைப் பற்று முதிர்ச்சி பெற்று புனிதம் அடைந்தவனுக்கு இறைவன்
அன்னியம் இல்லை என்கிறது சிவஞானம்.

தொடக்கத்தில் இறை அன்னியமாய்த் தோன்றும்.  ஆனால் பற்றுடையான்,  தாங்கருந்  தவம் மேற்கொண்டு செயல்பட  அத்தவம் இறைக்கும் ஆன்மாவுக்கும் உள்ள நெருக்கத்தினை  அவனுக்கு உணர்த்துகின்றது.  அதாவது, ஆன்மாவே சிவம்; சிவமே ஆன்மா என்று உணர்த்துகின்றது.  இதில் விழிப்புற்றோன்,  இரண்டன்மை அறிந்துகொண்டு சிவத்தை நோக்கிப் பயணிக்கின்றான்.

அத்வைதம்  என்பது இரண்டன்மை.  இறைக்கும் ஆன்மாவுக்கு மிடையில் பாகுபாடின்மை . அன்னியம் இன்மை என்றதும் இதையே ஆகும்

கழல் -   சிலம்பு.  இங்கு  கழல்  இறைவன் திருவடிகளைக்  குறித்து நின்றது.  ஆதலின் ஆகுபெயர். அரன்  = சிவம்.  சிவத்திற்கு  உருவும் பாலும் ( ஆண் பெண் என்னும் ....)  இன்மையினால் இஃது இங்குக்  கவிதை நயம் பொருந்தக் கூறப்படுகிறது. உருவக அணி . சிவத்துடன்  ஆன்மா ஒன்றிணையும் என்பதே பொருள் . வீரர்களும் கழலணிவர். பெண்களும் கழலணிவர்.  சிவன் அம்மையப்பன் ஆதலின்  இது பொருத்தமே.

கழல்-.. Anklet given as a token of honour to a warrior; வீரக்கழல். ஒண்பொறிக் கழற்கால் (பதிற் றுப்பத்து . 34, 2). 2. Anklet; சிலம்பு. அறைகழ லரு ளொலி . என்பர் பிறரும் .

இறுக்கமாக இல்லாமல் அணியப்படுதலால் கழல் என்ற பெயர் வந்தது. from: கழலுதல் become loose. .அகரவரிசைகள் தரும்பொருள் மேல் குறித்தோம்.

===================================================
குறிப்பு:  "கழல்வளை" என்பது வளையல்களைக் குறிக்கும்  Here the word kazal qualifies the word vaLai.  This is because vaLai is also an ornament which is loose enough to be comfortable at wear.

வீரகண்டாமணி  -  வீரத்தினறிகுறியாய்  அணியும் கழல்.

சி.போ. 8 : தவத்திற்கு ஓர் ஆசிரியன்

தம் முதல் குருவுமாய்த் தவத்தினில் உணர்த்த....

------சிவ ஞான  போதம்  8. 

இது சிவஞான போதத்தின் எட்டாம் நூற்பாவினுடைய ஒரு வரியாகும்.

பற்றுடையோன் ஒருவன் சிவத்தை அடைந்து இன்புற முனைப்புடன் முயல்கின்றான். ஒரு சிறுவன் பெரிய மரத்தைச் சாய்க்க வெறுங்கைகளால் முயலுதல் போன்றதே இது. இமையத்தின் உச்சியைத் தொட ஓர் உதவியுமின்றி மலையேறுதல் போன்றதே இது.
எங்ஙனம் சாய்த்திட முடியும்?  எங்ஙனம் உச்சி தொடுதல் கூடும்?

அறியாதவனுக்கு ஒரு குரு வேண்டும். அவனுக்கு  வழிகாட்டுவதற்குத்தான்!  அந்தக் குரு இன்னொரு  அறிவனாக இருக்கலாம்.  இல்லையெனின். . அவன் எவ்வுதவியும் இல்லாவிடினும் தவத்தினில் ஈடுபடுதல் வேண்டும். உடனே ஈடுபட அத்துணை எளிதானதா அது?

அவன் தவமே அவனுக்கு முதல் குருவாகி அவனுக்கு உணர்த்துதல்
அரிதான ஒன்றே எனினும் அது இயலாத ஒன்றன்று.

தவம் என்பதுதான் யாது? உற்ற நோய் பொறுத்துக்கொள்ளுதல் ஒன்று.  எவ்வுயிர்க்கும் தீங்கு செய்யாமை மற்றொன்று. இவைதாம்
தவத்தின் இரு படிகள் ஆம். இவை இரண்டும்  ஒருங்கு இயங்கும் படிகள்.  ஒரு படியைக் கடந்தால் தவம் பயில்வோனின் கடப்பாடு முடிந்துவிடுவதில்லை. அப் படியும் தொடர  அடுத்த படியும் வந்து
சேர்ந்துகொள்கிறது. இரண்டும் இயைந்ததே தவத்தினுரு என்பார் தெய்வப் புலமைத் திருவள்ளுவ நாயனார்.

இரண்டிலும்வெற்றி கண்டோன் தவத்தில் ஈடுபட்டு சிவத்தினில் மனத்தை நிலை நிறுத்த,அஃது அவனுக்கு சிவத்தைப் போதிக்கும் ஆசிரியனாகி விடுகிறது.

யாகத்தில் விலங்குகள் பலியிடப்படுதல் உண்டெனில்  அது தவத்தினோடு ஒருபடியில் நிற்றலுக்குத் தகவு உடையதன்று என்பது நாம் அறிந்துகொள்ளவேண்டும். தவமென்பது இறையுடன் தொடர்பு செயல் என்பது கண்டுகொள்க.

அத்தவமே  நன்கு இயற்றப்படின் அவனுக்கு உணர்த்தவல்லது அதுவாம் .

Jayalalithaa closes alliance options

Jayalalithaa closes alliance options, declares candidates

• B. ARAVIND KUMAR

PRINT   ·   T  T  

inShare

Stealing a march over her rivals, Tamil Nadu Chief Minister and AIADMK general secretary Jayalalithaa released the list of 227 party candidates for the May 16 Assembly elections, the most number of seats the party will contest in its electoral history.

She also allocated seven seats to minor allies, who will contest on the party’s ‘Two Leaves’ symbol.

Releasing the list here on Monday, Ms. Jayalalithaa said she would contest from R.K. Nagar in 

Read more at:  

http://www.thehindu.com/todays-paper/jayalalithaa-closes-alliance-options-declares-candidates/article8434555.ece